प्रवृत्ते सङ्कुले तस्मिन्घोरे वीरजनक्षये
अङ्गदः कम्पनं वीरमाससाद रणोत्सुकः

pravṛtte saṅkule tasminghore vīrajanakṣaye
aṅgadaḥ kampanaṃ vīramāsasāda raṇotsukaḥ

आहूय सो।अङ्गदं कोपात्ताडयामास वेगितः
गदया कम्पनः पूर्वं स चचाल भृशाहतः

āhūya so|aṅgadaṃ kopāttāḍayāmāsa vegitaḥ
gadayā kampanaḥ pūrvaṃ sa cacāla bhṛśāhataḥ

स संज्ञां प्राप्य तेजस्वी चिक्षेप शिखरं गिरेः
अर्दितश्च प्रहारेण कम्पनः पतितो भुवि

sa saṃjñāṃ prāpya tejasvī cikṣepa śikharaṃ gireḥ
arditaśca prahāreṇa kampanaḥ patito bhuvi

ततस्तु कम्पनं दृष्ट्वा शोणिताक्षो हतं रणे
रथेनाभ्यपतत् क्षिप्रं तत्राङ्गदमभीतवत्

tatastu kampanaṃ dṛṣṭvā śoṇitākṣo hataṃ raṇe
rathenābhyapatat kṣipraṃ tatrāṅgadamabhītavat

सो।अङ्गदं निशितैर्बाणैस्तदा विव्याध वेगितः
शरीरदारणैस्तीक्षणैः कालाग्निसमविग्रहैः

so|aṅgadaṃ niśitairbāṇaistadā vivyādha vegitaḥ
śarīradāraṇaistīkṣaṇaiḥ kālāgnisamavigrahaiḥ

अङ्गदः प्रतिविद्धाङ्गो वालिपुत्रः प्रतापवान्
धनुरुग्रं रथं बाणान् ममर्द तरसा बली

aṅgadaḥ pratividdhāṅgo vāliputraḥ pratāpavān
dhanurugraṃ rathaṃ bāṇān mamarda tarasā balī

शोणिताक्षस्ततः क्षिप्रमसिचर्म समाददे
उत्पपात तदा क्रुद्धो वेगवानविचारयन्

śoṇitākṣastataḥ kṣipramasicarma samādade
utpapāta tadā kruddho vegavānavicārayan

तं क्षिप्रतरमाप्लुत्य परामृश्याङ्गदो बली
करेण तस्य तं खड्गं समाच्चिद्य ननाद च

taṃ kṣiprataramāplutya parāmṛśyāṅgado balī
kareṇa tasya taṃ khaḍgaṃ samāccidya nanāda ca

तस्यांसफलके खड्गं निचखान ततो।अङ्गदः
यज्ञोपवीतवच्चैनं चिच्चेद कपिकुञ्जरः

tasyāṃsaphalake khaḍgaṃ nicakhāna tato|aṅgadaḥ
yajñopavītavaccainaṃ cicceda kapikuñjaraḥ

तं प्रगृह्य महाखड्गं विनद्य च पुनः पुनः
वालिपुत्रो।अभिदुद्राव रणशीर्षं परानरीन्

taṃ pragṛhya mahākhaḍgaṃ vinadya ca punaḥ punaḥ
vāliputro|abhidudrāva raṇaśīrṣaṃ parānarīn

प्रजङ्घसहितो वीरो यूपाक्षस्तु ततो बली
रथेनाभिययौ क्रुद्धो वालिपुत्रं महाबलम्

prajaṅghasahito vīro yūpākṣastu tato balī
rathenābhiyayau kruddho vāliputraṃ mahābalam

आयसीम् तु गदाम् गृह्य स वीरः कनकाङ्गदः
शोणिताक्षः समाश्वस्य तमेवानुपपात ह

āyasīm tu gadām gṛhya sa vīraḥ kanakāṅgadaḥ
śoṇitākṣaḥ samāśvasya tamevānupapāta ha

प्रजङ्घस्तु महावीरो यूपाक्षसहितो बली
गदयाभिययौ क्रुद्धो वालिपुत्रं महाबलम्

prajaṅghastu mahāvīro yūpākṣasahito balī
gadayābhiyayau kruddho vāliputraṃ mahābalam

तयोर्मध्ये कपिश्रेष्ठः शोणिताक्षप्रजङ्घयोः
विशाखयोर्मध्यगतः पूर्णचन्द्र इवाबभौ

tayormadhye kapiśreṣṭhaḥ śoṇitākṣaprajaṅghayoḥ
viśākhayormadhyagataḥ pūrṇacandra ivābabhau

अङ्गदं परिरक्षनौ मैन्दो द्विविद एव च
तस्य तस्थतुरभ्याशे परस्परदिदृक्षया

aṅgadaṃ parirakṣanau maindo dvivida eva ca
tasya tasthaturabhyāśe parasparadidṛkṣayā

अभिपेतुर्महाकायाः प्रतियत्ता महाबलाः
राक्षसा वानरान् रोषादसिबाणगदाधराः

abhipeturmahākāyāḥ pratiyattā mahābalāḥ
rākṣasā vānarān roṣādasibāṇagadādharāḥ

त्रयाणां वानरेन्द्राणाम् त्रिभिराक्षसपुम्गवैः
संसक्तानाम् महद्युद्धमभवद्रोमहर्षणम्

trayāṇāṃ vānarendrāṇām tribhirākṣasapumgavaiḥ
saṃsaktānām mahadyuddhamabhavadromaharṣaṇam

ते तु वृक्षान् समादाय सम्प्रचिक्षिपुराहवे
खड्गेन प्रतिचिक्षेप तान् प्रजङ्ग महाबलः

te tu vṛkṣān samādāya sampracikṣipurāhave
khaḍgena praticikṣepa tān prajaṅga mahābalaḥ

रथानश्वान् द्रुमान् शैलान् प्रतिचिक्षिपुराहवे
शरौघैः प्रतिचिच्छेद तान्यूपाक्षो महाबलः

rathānaśvān drumān śailān praticikṣipurāhave
śaraughaiḥ praticiccheda tānyūpākṣo mahābalaḥ

सृष्टान् द्विवदमैन्दाभ्यां द्रुमानुत्पाट्य वीर्य्वान्
बभञ्ज गदया मद्य शोणिताक्षः प्रतापवान्

sṛṣṭān dvivadamaindābhyāṃ drumānutpāṭya vīryvān
babhañja gadayā madya śoṇitākṣaḥ pratāpavān

उद्यम्य विपुलं खड्गं परमर्मविदारणम्
प्रजङ्घो वालिपुत्राय अभिदुद्राव वेगितः

udyamya vipulaṃ khaḍgaṃ paramarmavidāraṇam
prajaṅgho vāliputrāya abhidudrāva vegitaḥ

तमभ्याशगतं दृष्ट्वा वानरेन्द्रो महाबलः
आजघानाश्वकर्णेन द्रुमेणातिबलस्तदा

tamabhyāśagataṃ dṛṣṭvā vānarendro mahābalaḥ
ājaghānāśvakarṇena drumeṇātibalastadā

बाहुं चास्य सनिस्त्रिंशमाजघान स मुष्टिना
वालिपुत्रस्य घातेन स पपात क्षितावसिः

bāhuṃ cāsya sanistriṃśamājaghāna sa muṣṭinā
vāliputrasya ghātena sa papāta kṣitāvasiḥ

तं दृष्ट्वा पतितं भूमौ खड्गम् मुसलसंनिभम्
मुष्टिं संवर्तयामास वज्रकल्पं महाबलः

taṃ dṛṣṭvā patitaṃ bhūmau khaḍgam musalasaṃnibham
muṣṭiṃ saṃvartayāmāsa vajrakalpaṃ mahābalaḥ

स ललाटे महावीर्यमङ्गदं वानरर्षभम्
आजघान महातेजाः स मुहूर्तं च्चाल ह

sa lalāṭe mahāvīryamaṅgadaṃ vānararṣabham
ājaghāna mahātejāḥ sa muhūrtaṃ ccāla ha

स संज्ञाम् प्राप्य तेजस्वी वालिपुत्रः प्रतापवान्
प्रजङ्घस्य शिरः कायात्पातयामास मुष्टिना

sa saṃjñām prāpya tejasvī vāliputraḥ pratāpavān
prajaṅghasya śiraḥ kāyātpātayāmāsa muṣṭinā

स यूपाक्षो।अश्रुपूर्णाक्षः पितृव्ये निहते रणे
अवरुह्य रथान् क्षिप्रं क्षीणेषुः खड्गमाददे

sa yūpākṣo|aśrupūrṇākṣaḥ pitṛvye nihate raṇe
avaruhya rathān kṣipraṃ kṣīṇeṣuḥ khaḍgamādade

तमापतन्तं संप्रेक्ष्य यूपाक्षं द्विविदस्त्वरन्
आजघानोरसि क्रुद्धो जग्राह च बलाद्बली

tamāpatantaṃ saṃprekṣya yūpākṣaṃ dvividastvaran
ājaghānorasi kruddho jagrāha ca balādbalī

गृहीतं भ्रातरं दृष्ट्वा शोणिताक्षो महाबलम्
आजघान महातेजा वक्षसि द्विविदं ततः

gṛhītaṃ bhrātaraṃ dṛṣṭvā śoṇitākṣo mahābalam
ājaghāna mahātejā vakṣasi dvividaṃ tataḥ

स ततो।अभिहतस्तेन चचाल च महाबलः
उद्यतां च पुनस्तस्य जहार द्विविदो गदाम्

sa tato|abhihatastena cacāla ca mahābalaḥ
udyatāṃ ca punastasya jahāra dvivido gadām

एतस्मिन्नन्तरे मैन्दो द्विविदाभ्याशमागमत्
यूपाक्षं ताडमामास तलेनोरसि वीर्यवान्

etasminnantare maindo dvividābhyāśamāgamat
yūpākṣaṃ tāḍamāmāsa talenorasi vīryavān

तौ शोणिताक्षयूपाक्षौ प्लवम्गाभ्यां तरस्विनौ
चक्रतुः समरे तीव्रमाकर्षोत्पाटनं भृशम्

tau śoṇitākṣayūpākṣau plavamgābhyāṃ tarasvinau
cakratuḥ samare tīvramākarṣotpāṭanaṃ bhṛśam

द्विविदः शोणिताक्षं तु विददार नखैर्मुखे
निष्पिपेष च वीर्येण क्षितावाविध्य वीर्यवान्

dvividaḥ śoṇitākṣaṃ tu vidadāra nakhairmukhe
niṣpipeṣa ca vīryeṇa kṣitāvāvidhya vīryavān

यूपाक्षमभिसंक्रुद्धो मैन्दो वानरपुंगवः
पीडयामास बाहुभ्यां पपात स हतः क्षितौ

yūpākṣamabhisaṃkruddho maindo vānarapuṃgavaḥ
pīḍayāmāsa bāhubhyāṃ papāta sa hataḥ kṣitau

हतप्रप्रवीरा व्यथिता राक्षसेन्द्रचमूस्तदा
जगामाभिमुखी सा तु कुम्भकर्णात्मजो यतः

hataprapravīrā vyathitā rākṣasendracamūstadā
jagāmābhimukhī sā tu kumbhakarṇātmajo yataḥ

आपतन्तीम् च वेगेन कुम्भस्तां सान्त्वयच्चमूम्
अथोत्कृष्टं महावीर्यैर्लब्धलक्षैः प्लवम्गमैः

āpatantīm ca vegena kumbhastāṃ sāntvayaccamūm
athotkṛṣṭaṃ mahāvīryairlabdhalakṣaiḥ plavamgamaiḥ

स धनुर्धन्विनां श्रेष्ठः प्रगृह्य सुसमाहितः
मुमोचाशीविषप्रख्याञ्शरान्देहविदारणान्

sa dhanurdhanvināṃ śreṣṭhaḥ pragṛhya susamāhitaḥ
mumocāśīviṣaprakhyāñśarāndehavidāraṇān

तस्य तच्छुशुभे भूयः सशरं धनुरुत्तमम्
विद्युदैरावतार्चिष्मद्द्वितीयेन्द्रधनुर्यथा

tasya tacchuśubhe bhūyaḥ saśaraṃ dhanuruttamam
vidyudairāvatārciṣmaddvitīyendradhanuryathā

आकर्णकृष्टमुक्तेन जघान द्विविदं तदा
तेन हाटकपुङ्खेन पत्रिणा पत्रवाससा

ākarṇakṛṣṭamuktena jaghāna dvividaṃ tadā
tena hāṭakapuṅkhena patriṇā patravāsasā

सहसाभिहतस्तेन विप्रमुक्तपदः स्फुरन्
निपपाताद्रिकूटाभो विह्वलः प्लवगोत्तमः

sahasābhihatastena vipramuktapadaḥ sphuran
nipapātādrikūṭābho vihvalaḥ plavagottamaḥ

मैन्दस्तु भ्रातरं दृष्ट्वा भग्नं तत्र महाहवे
अभिदुद्राव वेगेन प्रगृह्य महतीं शिलाम्

maindastu bhrātaraṃ dṛṣṭvā bhagnaṃ tatra mahāhave
abhidudrāva vegena pragṛhya mahatīṃ śilām

तां शिलां तु प्रचिक्षेप राक्षसाय महाबलः
बिभेद तां शिलां कुम्भः प्रसन्नैः पञ्चभिः शरैः

tāṃ śilāṃ tu pracikṣepa rākṣasāya mahābalaḥ
bibheda tāṃ śilāṃ kumbhaḥ prasannaiḥ pañcabhiḥ śaraiḥ

सन्धाय चान्यं सुमुखं शरमाशीविषोपमम्
आजघान महातेजा वक्षसि द्विविदाग्रजम्

sandhāya cānyaṃ sumukhaṃ śaramāśīviṣopamam
ājaghāna mahātejā vakṣasi dvividāgrajam

स तु तेन प्रहारेण मैन्दो वानरयूथपः
मर्मण्यभिहतस्तेन पपात भुवि मूर्छितः

sa tu tena prahāreṇa maindo vānarayūthapaḥ
marmaṇyabhihatastena papāta bhuvi mūrchitaḥ

अङ्गदो मातुलौ दृष्ट्वा पतितौ तौ महाबलौ
अभिदुद्राव वेगेन कुम्भमुद्यतकार्मुकम्

aṅgado mātulau dṛṣṭvā patitau tau mahābalau
abhidudrāva vegena kumbhamudyatakārmukam

तमापतन्तं विव्याध कुम्भः पञ्चभिरायसैः
त्रिभिश्चान्यैः शितैर्बाणैर्मातङ्गमिव तोमरैः

tamāpatantaṃ vivyādha kumbhaḥ pañcabhirāyasaiḥ
tribhiścānyaiḥ śitairbāṇairmātaṅgamiva tomaraiḥ

सो।अङ्गदं विविधैर्बाणैः कुम्भो विव्याध वीर्यवान्
अकुण्ठधारैर्निशितैस्तीक्ष्णैः कनकभूषणैः

so|aṅgadaṃ vividhairbāṇaiḥ kumbho vivyādha vīryavān
akuṇṭhadhārairniśitaistīkṣṇaiḥ kanakabhūṣaṇaiḥ

अङ्गदः प्रतिविद्धाङ्गो वालिपुत्रो न कम्पते
शिलापादपवर्षाणि तस्य मूर्ध्नि ववर्ष ह

aṅgadaḥ pratividdhāṅgo vāliputro na kampate
śilāpādapavarṣāṇi tasya mūrdhni vavarṣa ha

स प्रचिच्छेद तान्सर्वान्बिभेद च पुनः शिलाः
कुम्भकर्णात्मजः श्रीमान्वालिपुत्रसमीरितान्

sa praciccheda tānsarvānbibheda ca punaḥ śilāḥ
kumbhakarṇātmajaḥ śrīmānvāliputrasamīritān

आपतन्तं च सम्प्रेक्ष्य कुम्भो वानरयूथपम्
भ्रुवोर्विव्याध बाणाभ्यामुल्काभ्यामिव कुञ्जरम्

āpatantaṃ ca samprekṣya kumbho vānarayūthapam
bhruvorvivyādha bāṇābhyāmulkābhyāmiva kuñjaram

तस्य सुस्राव रुधिरं पिहिते चास्य लोचने
अङ्गदः पाणिना नेत्रे पिधाय रुधिरोक्षिते

tasya susrāva rudhiraṃ pihite cāsya locane
aṅgadaḥ pāṇinā netre pidhāya rudhirokṣite

सम्पीड्योरसि सस्कन्धम् करेणाभिनिवेश्य च

sampīḍyorasi saskandham kareṇābhiniveśya ca

तमिन्द्रकेतुप्रतिमं वृक्षं मन्दरसंनिभम्

tamindraketupratimaṃ vṛkṣaṃ mandarasaṃnibham

स चिच्छेद शितैर्बाणैः सप्तभिः कायभेदनैः

sa ciccheda śitairbāṇaiḥ saptabhiḥ kāyabhedanaiḥ

अङ्गदं व्यथितं दृष्ट्वा सीदन्तमिव सागरे

aṅgadaṃ vyathitaṃ dṛṣṭvā sīdantamiva sāgare

रामस्तु व्यथितं श्रुत्वा वालिपुत्रं महाहवे

rāmastu vyathitaṃ śrutvā vāliputraṃ mahāhave

ते तु वानरशार्दूलाः श्रुत्वा रामस्य शासनम्

te tu vānaraśārdūlāḥ śrutvā rāmasya śāsanam

ततो द्रुमशिलाहस्ताः कोपसंरक्तलोचनाः

tato drumaśilāhastāḥ kopasaṃraktalocanāḥ

जाम्बवांश्च सुषेणश्च वेगदर्शी च वानरः

jāmbavāṃśca suṣeṇaśca vegadarśī ca vānaraḥ

समीक्ष्यातततस्तांस्तु वानरेन्द्रान्महाबलान्

samīkṣyātatatastāṃstu vānarendrānmahābalān

तस्य बाणचयं प्राप्य न शोकेरतिवर्तितुम्

tasya bāṇacayaṃ prāpya na śokerativartitum

तांस्तु दृष्ट्वा हरिगणाञ्शरवृष्टिभिरर्दितान्

tāṃstu dṛṣṭvā harigaṇāñśaravṛṣṭibhirarditān

उत्पाट्य च महाशैलानश्वकर्णान्धवान्बहून्

utpāṭya ca mahāśailānaśvakarṇāndhavānbahūn

तां छादयन्तीमाकाशं वृक्षवृष्टिं दुरासदाम्

tāṃ chādayantīmākāśaṃ vṛkṣavṛṣṭiṃ durāsadām

अभिलक्ष्येण तीव्रेण कुम्भेन निशितैः शरैः

abhilakṣyeṇa tīvreṇa kumbhena niśitaiḥ śaraiḥ

द्रुमवर्षं तु तच्छिन्नं दृष्ट्वा कुम्भेन वीर्यवान्

drumavarṣaṃ tu tacchinnaṃ dṛṣṭvā kumbhena vīryavān

स विध्यमानः सहसा सहमानश्च ताञ्शरान्

sa vidhyamānaḥ sahasā sahamānaśca tāñśarān

अवप्लुत्य ततः शीघ्रं कृत्वा कर्म सुदुष्करम्

avaplutya tataḥ śīghraṃ kṛtvā karma suduṣkaram

निकुम्भाग्रज वीर्यं ते बाणवेगं तदद्भुतम्

nikumbhāgraja vīryaṃ te bāṇavegaṃ tadadbhutam

प्रह्रादबलिवृत्रघ्नकुबेरवरुणोपम

prahrādabalivṛtraghnakuberavaruṇopama

त्वामेवैकं महाबाहुं शूलहस्तमरिन्दमम्

tvāmevaikaṃ mahābāhuṃ śūlahastamarindamam

वरदानात्पितृव्यस्ते सहते देवदानवान्
कुम्भकर्णस्तु वीर्येण सहते च सुरासुरान्

varadānātpitṛvyaste sahate devadānavān
kumbhakarṇastu vīryeṇa sahate ca surāsurān

धनुषीन्द्रजितस्तुल्यः प्रतापे रावणस्य च
त्वमद्य रक्षसां लोके श्रेष्ठो।असि बलवीर्यतः

dhanuṣīndrajitastulyaḥ pratāpe rāvaṇasya ca
tvamadya rakṣasāṃ loke śreṣṭho|asi balavīryataḥ

महाविमर्दं समरे मया सह तवाद्भुतम्
अद्य भूतानि पश्यन्तु शक्रशम्बरयोरिव

mahāvimardaṃ samare mayā saha tavādbhutam
adya bhūtāni paśyantu śakraśambarayoriva

कृतमप्रतिमं कर्म दर्शितं चास्त्रकौशलम्
पातिता हरिवीराश्च त्वयैते भीमविक्रमाः

kṛtamapratimaṃ karma darśitaṃ cāstrakauśalam
pātitā harivīrāśca tvayaite bhīmavikramāḥ

उपालम्भभयाच्चापि नासि वीर मया हतः
कृतकर्मा परिश्रान्तो विश्रान्तः पश्य मे बलम्

upālambhabhayāccāpi nāsi vīra mayā hataḥ
kṛtakarmā pariśrānto viśrāntaḥ paśya me balam

तेन सुग्रीववाक्येन सावमानेन मानितः
अग्नेराज्यहुतस्येव तेजस्तस्याभ्यवर्धत

tena sugrīvavākyena sāvamānena mānitaḥ
agnerājyahutasyeva tejastasyābhyavardhata

ततः कुम्भस्तु सुग्रीवं बाहुभ्यां जगृहे तदा
गजाविवातमदौ निःश्वसन्तौ मुहुर्मुहुः

tataḥ kumbhastu sugrīvaṃ bāhubhyāṃ jagṛhe tadā
gajāvivātamadau niḥśvasantau muhurmuhuḥ

तयोः पादाभिघाताच्च निमग्ना चाभवन्मही
व्याघूर्णिततरङ्गश्च चुक्षुभे वरुणालयः

tayoḥ pādābhighātācca nimagnā cābhavanmahī
vyāghūrṇitataraṅgaśca cukṣubhe varuṇālayaḥ

ततः कुम्भं समुत्क्षिप्य सुग्रीवो लवणाम्ब्भसि
पातयामास वेगेन दर्शयन्नुदधेस्तलम्

tataḥ kumbhaṃ samutkṣipya sugrīvo lavaṇāmbbhasi
pātayāmāsa vegena darśayannudadhestalam

ततः कुम्भनिपातेन जलराशिः समुत्थितः
विन्ध्यमन्दरसंकाशो विससर्प समन्ततः

tataḥ kumbhanipātena jalarāśiḥ samutthitaḥ
vindhyamandarasaṃkāśo visasarpa samantataḥ

तस्य चर्म च पुस्फोट सञ्जज्ञे चास्य शोणितम्
स च मुष्टिर्महावेगः प्रतिजघ्ने।अस्थिमण्डले

tasya carma ca pusphoṭa sañjajñe cāsya śoṇitam
sa ca muṣṭirmahāvegaḥ pratijaghne|asthimaṇḍale

तदा वेगेन तत्रासीत्तेजः प्रज्वालितं मुहुः
वज्रनिष्पेषसञ्जातज्वाला मेरौ यथा गिरौ

tadā vegena tatrāsīttejaḥ prajvālitaṃ muhuḥ
vajraniṣpeṣasañjātajvālā merau yathā girau

स तत्राभिहतस्तेन सुग्रीवो वानरर्षभः
मुष्टिं संवर्तयामास वज्रकल्पं महाबलः

sa tatrābhihatastena sugrīvo vānararṣabhaḥ
muṣṭiṃ saṃvartayāmāsa vajrakalpaṃ mahābalaḥ

अर्चिःसहस्रविकचं रविमण्डलसप्रभम्
स मुष्टिं पातयामास कुम्भस्योरसि वीर्यवान्

arciḥsahasravikacaṃ ravimaṇḍalasaprabham
sa muṣṭiṃ pātayāmāsa kumbhasyorasi vīryavān

स तु तेन प्रहरेण विह्वलो भृशपीडितः
निपपात तदा कुम्भो गतार्चिरिव पावकः

sa tu tena prahareṇa vihvalo bhṛśapīḍitaḥ
nipapāta tadā kumbho gatārciriva pāvakaḥ

मुष्टिनाभिहतस्तेन निपपाताशु राक्षसः
लोहिताङ्ग इवाकाशाद्दीप्तरश्मिर्यदृच्छया

muṣṭinābhihatastena nipapātāśu rākṣasaḥ
lohitāṅga ivākāśāddīptaraśmiryadṛcchayā

कुम्भस्य पततो रूपं भग्नस्योरसि मुष्टिना
बभौ रुद्राभिपन्नस्य यथारूपं गवां पतेः

kumbhasya patato rūpaṃ bhagnasyorasi muṣṭinā
babhau rudrābhipannasya yathārūpaṃ gavāṃ pateḥ

इत्यार्षे श्रीमद्रामायणे वाल्मीकीये आदिकाव्ये युद्धकांडे षट्सप्ततितमः सर्गः

ityārṣe śrīmadrāmāyaṇe vālmīkīye ādikāvye yuddhakāṃḍe ṣaṭsaptatitamaḥ sargaḥ