श्रुत्वा हनूमतो वाक्यम् यथावद् अनुपूर्वशः
ततो अब्रवीन् महातेजा रामः सत्य पराक्रमः

śrutvā hanūmato vākyam yathāvad anupūrvaśaḥ
tato abravīn mahātejā rāmaḥ satya parākramaḥ

याम् निवेदयसे लंकाम् पुरीम् भीमस्य रक्षसः
क्षिप्रम् एनाम् वधिष्यामि सत्यम् एतद् ब्रवीमि ते

yām nivedayase laṃkām purīm bhīmasya rakṣasaḥ
kṣipram enām vadhiṣyāmi satyam etad bravīmi te

अस्मिन् मुहूर्ते सुग्रीव प्रयाणम् अभिरोचये
युक्तो मुहूर्तो विजयः प्राप्तो मध्यम् दिवा करः

asmin muhūrte sugrīva prayāṇam abhirocaye
yukto muhūrto vijayaḥ prāpto madhyam divā karaḥ

सीताम् गृत्वा तु तद्यातु क्वासौ यास्यति जीवितः
सीता श्रुत्वाभियानम् मे आशामेष्यति जीविते

sītām gṛtvā tu tadyātu kvāsau yāsyati jīvitaḥ
sītā śrutvābhiyānam me āśāmeṣyati jīvite

उत्तरा फल्गुनी हि अद्य श्वस् तु हस्तेन योक्ष्यते

uttarā phalgunī hi adya śvas tu hastena yokṣyate

निमित्तानि च धन्यानि यानि प्रादुर् भवन्ति मे

nimittāni ca dhanyāni yāni prādur bhavanti me

उपरिष्टाद्द् हि नयनम् स्फुरमाणम् इदम् मम

upariṣṭādd hi nayanam sphuramāṇam idam mama

ततो वाबरराहेब कज्श्मणेन सुपूजितः

tato vābararāheba kajśmaṇena supūjitaḥ

अग्रे यातु बलस्य अस्य नीलो मार्गम् अवेक्षितुम्

agre yātu balasya asya nīlo mārgam avekṣitum

फल मूलवता नील शीत कानन वारिणा
पथा मधुमता च आशु सेनाम् सेना पते नय

phala mūlavatā nīla śīta kānana vāriṇā
pathā madhumatā ca āśu senām senā pate naya

दूषयेयुर् दुरात्मानः पथि मूल फल उदकम्

dūṣayeyur durātmānaḥ pathi mūla phala udakam

निम्नेषु वन दुर्गेषु वनेषु च वन ओकसः

nimneṣu vana durgeṣu vaneṣu ca vana okasaḥ

यत्तु फल्गु बलम् किंचित्तदत्रैवोपपद्यताम्

yattu phalgu balam kiṃcittadatraivopapadyatām

सागर ओघ निभम् भीमम् अग्र अनीकम् महाबलाः

sāgara ogha nibham bhīmam agra anīkam mahābalāḥ

गजः च गिरि सम्काशो गवयः च महाबलः

gajaḥ ca giri samkāśo gavayaḥ ca mahābalaḥ

यातु वानर वाहिन्या वानरः प्लवताम् पतिः

yātu vānara vāhinyā vānaraḥ plavatām patiḥ

गन्ध हस्ती इव दुर्धर्षस् तरस्वी गन्ध मादनः

gandha hastī iva durdharṣas tarasvī gandha mādanaḥ

यास्यामि बल मध्ये अहम् बल ओघम् अभिहर्षयन्

yāsyāmi bala madhye aham bala ogham abhiharṣayan

अन्गदेन एष सम्यातु लक्ष्मणः च अन्तक उपमः

angadena eṣa samyātu lakṣmaṇaḥ ca antaka upamaḥ

जाम्बवाम्ः च सुषेणः च वेग दर्शी च वानरः

jāmbavāmḥ ca suṣeṇaḥ ca vega darśī ca vānaraḥ

राघवस्य वचः श्रुत्वा सुग्रीवो वाहिनी पतिः

rāghavasya vacaḥ śrutvā sugrīvo vāhinī patiḥ

ते वानर गणाः सर्वे समुत्पत्य युयुत्सवः

te vānara gaṇāḥ sarve samutpatya yuyutsavaḥ

ततो वानर राजेन लक्ष्मणेन च पूजितः

tato vānara rājena lakṣmaṇena ca pūjitaḥ

शतैः शत सहस्रैः च कोटीभिर् अयुतैर् अपि

śataiḥ śata sahasraiḥ ca koṭībhir ayutair api

तम् यान्तम् अनुयाति स्म महती हरि वाहिनी

tam yāntam anuyāti sma mahatī hari vāhinī

आप्लवन्तः प्लवन्तः च गर्जन्तः च प्लवम् गमाः

āplavantaḥ plavantaḥ ca garjantaḥ ca plavam gamāḥ

भक्षयन्तः सुगन्धीनि मधूनि च फलानि च

bhakṣayantaḥ sugandhīni madhūni ca phalāni ca

अन्योन्यम् सहसा दृष्टा निर्वहन्ति क्षिपन्ति च

anyonyam sahasā dṛṣṭā nirvahanti kṣipanti ca

रावणो नो निहन्तव्यः सर्वे च रजनी चराः

rāvaṇo no nihantavyaḥ sarve ca rajanī carāḥ

पुरस्ताद् ऋषभ्हो वीरो नीलः कुमुद एव च

purastād ṛṣabhho vīro nīlaḥ kumuda eva ca

मध्ये तु राजा सुग्रीवो रामो लक्ष्मण एव च

madhye tu rājā sugrīvo rāmo lakṣmaṇa eva ca

हरिः शत बलिर् वीरः कोटीभिर् दशभिर् वृतः

hariḥ śata balir vīraḥ koṭībhir daśabhir vṛtaḥ

कोटी शत परीवारः केसरी पनसो गजः

koṭī śata parīvāraḥ kesarī panaso gajaḥ

सुषेणो जाम्बवाम्ः चैव ऋक्षैर् बहुभिर् आवृतः

suṣeṇo jāmbavāmḥ caiva ṛkṣair bahubhir āvṛtaḥ

तेषाम् सेना पतिर् वीरो नीलो वानर पुम्गवः

teṣām senā patir vīro nīlo vānara pumgavaḥ

वलीमुखः प्रजङ्घश्च जम्भो।अथ रभसः कपिः

valīmukhaḥ prajaṅghaśca jambho|atha rabhasaḥ kapiḥ

एवम् ते हरि शार्दूला गच्चन्तो बल दर्पिताः

evam te hari śārdūlā gaccanto bala darpitāḥ

रामस्य शासनम् ज्ञात्वा भीमकोपस्य भीतवत्
वर्जयन्नगराभ्याशांस्तथा जनपदानपि

rāmasya śāsanam jñātvā bhīmakopasya bhītavat
varjayannagarābhyāśāṃstathā janapadānapi

तस्य दाशरथेः पार्श्वे शूरास् ते कपि कुन्जराः
तूर्णम् आपुप्लुवुः सर्वे सद् अश्वा इव चोदिताः

tasya dāśaratheḥ pārśve śūrās te kapi kunjarāḥ
tūrṇam āpupluvuḥ sarve sad aśvā iva coditāḥ

कपिभ्याम् उह्यमानौ तौ शुशुभते नर ऋषभौ
महद्भ्याम् इव संस्पृष्टौ ग्राहाभ्याम् चन्द्र भास्करौ

kapibhyām uhyamānau tau śuśubhate nara ṛṣabhau
mahadbhyām iva saṃspṛṣṭau grāhābhyām candra bhāskarau

ततो वानरराजेन लक्ष्मणेन सुपूजितः
जगाम रामो धर्मात्मा ससैन्यो दक्षिणाम् दिशम्

tato vānararājena lakṣmaṇena supūjitaḥ
jagāma rāmo dharmātmā sasainyo dakṣiṇām diśam

हृताम् अवाप्य वैदेहीम् क्षिप्रम् हत्वा च रावणम्
समृद्ध अर्थः समृद्ध अर्थाम् अयोध्याम् प्रतियास्यसि

hṛtām avāpya vaidehīm kṣipram hatvā ca rāvaṇam
samṛddha arthaḥ samṛddha arthām ayodhyām pratiyāsyasi

महान्ति च निमित्तानि दिवि भूमौ च राघव
शुभान्ति तव पश्यामि सर्वाणि एव अर्थ सिद्धये

mahānti ca nimittāni divi bhūmau ca rāghava
śubhānti tava paśyāmi sarvāṇi eva artha siddhaye

पूर्ण वल्गु स्वराः च इमे प्रवदन्ति मृग द्विजाः

pūrṇa valgu svarāḥ ca ime pravadanti mṛga dvijāḥ

उशना च प्रसन्न अर्चिर् अनु त्वाम् भार्गवो गतः

uśanā ca prasanna arcir anu tvām bhārgavo gataḥ

त्रिशन्कुर् विमलो भाति राज ऋषिः सपुरोहितः

triśankur vimalo bhāti rāja ṛṣiḥ sapurohitaḥ

विमले च प्रकाशेते विशाखे निरुपद्रवे

vimale ca prakāśete viśākhe nirupadrave

नैरृतम् नैरृतानाम् च नक्षत्रम् अभिपीड्यते

nairṛtam nairṛtānām ca nakṣatram abhipīḍyate

सरम् च एतद् विनाशाय राक्षसानाम् उपस्थितम्

saram ca etad vināśāya rākṣasānām upasthitam

प्रसन्नाः सुरसाः च आपो वनानि फलवन्ति च
प्रवान्ति अभ्यधिकम् गन्धा यथा ऋतु कुसुमा द्रुमाः

prasannāḥ surasāḥ ca āpo vanāni phalavanti ca
pravānti abhyadhikam gandhā yathā ṛtu kusumā drumāḥ

व्यूढानि कपि सैन्यानि प्रकाशन्ते अधिकम् प्रभो
देवानाम् इव सैन्यानि सम्ग्रामे तारकामये

vyūḍhāni kapi sainyāni prakāśante adhikam prabho
devānām iva sainyāni samgrāme tārakāmaye

इति भ्रातरम् आश्वास्य हृष्टः सौमित्रिर् अब्रवीत्

iti bhrātaram āśvāsya hṛṣṭaḥ saumitrir abravīt

कर अग्रैः चरण अग्रैः च वानरैर् उद्धतम् रजः
भीमम् अन्तर् दधे लोकम् निवार्य सवितुः प्रभाम्

kara agraiḥ caraṇa agraiḥ ca vānarair uddhatam rajaḥ
bhīmam antar dadhe lokam nivārya savituḥ prabhām

उत्तरन्त्याश्च सेनायाः सततम् बहुयोजनम्
नदीस्रोतांसि सर्वाणि सस्यन्दुर्विपरीतवत्

uttarantyāśca senāyāḥ satatam bahuyojanam
nadīsrotāṃsi sarvāṇi sasyandurviparītavat

सरांसि विमलाम्भांसि द्रुमाकीर्णांश्च पर्वतान्
समान् भूमिप्रदेशांश्च वनानि फलवन्ति च

sarāṃsi vimalāmbhāṃsi drumākīrṇāṃśca parvatān
samān bhūmipradeśāṃśca vanāni phalavanti ca

समावृत्य महीम् कृत्स्नाम् जगाम महती चमूः

samāvṛtya mahīm kṛtsnām jagāma mahatī camūḥ

हरयो राघवस्यार्थे समारोपितविक्रमाः

harayo rāghavasyārthe samāropitavikramāḥ

तत्र केचिद्द्रुतम् जग्मुरुत्पेतुश्च तथापरे
केचित्किलकिलाम् चक्रुर्वानरा वनगोचराः

tatra keciddrutam jagmurutpetuśca tathāpare
kecitkilakilām cakrurvānarā vanagocarāḥ

प्रास्फोटयंश्च पुच्छानि सम्निजघ्नः पदान्यपि
भुजान्विक्षिप्य शैलांश्च द्रुमानन्ये बभञ्जरे

prāsphoṭayaṃśca pucchāni samnijaghnaḥ padānyapi
bhujānvikṣipya śailāṃśca drumānanye babhañjare

आरोहन्तश्च शृङ्गाणि गिरीणाम् गिरिगोचराः
महानादान् प्रमुञ्चन्ति क्ष्वेडामन्ये प्रचक्रिते

ārohantaśca śṛṅgāṇi girīṇām girigocarāḥ
mahānādān pramuñcanti kṣveḍāmanye pracakrite

ऊरुवेगैश्च ममृदुर्लताजालान्यनेकशः
जृम्भमाणाश्च विक्रान्ता विचिक्रीडुः शिलाद्रुमैः

ūruvegaiśca mamṛdurlatājālānyanekaśaḥ
jṛmbhamāṇāśca vikrāntā vicikrīḍuḥ śilādrumaiḥ

ततः शतसहस्रैश्च कोटिभिश्च सहस्रशः
वानराणाम् सुघोराणाम् श्रीमत्परिवृता मही

tataḥ śatasahasraiśca koṭibhiśca sahasraśaḥ
vānarāṇām sughorāṇām śrīmatparivṛtā mahī

सा स्म याति दिवारात्रम् महती हरिवाहिनी
प्रहृष्टमुदिताः सर्वे सुग्रीवेणाभिपालिताः

sā sma yāti divārātram mahatī harivāhinī
prahṛṣṭamuditāḥ sarve sugrīveṇābhipālitāḥ

ततः पादप सम्बाधम् नाना मृग समाकुलम्
सह्य पर्वतम् आसेदुर् मलयम् च मही धरम्

tataḥ pādapa sambādham nānā mṛga samākulam
sahya parvatam āsedur malayam ca mahī dharam

काननानि विचित्राणि नदी प्रस्रवणानि च
पश्यन्न् अपि ययौ रामः सह्यस्य मलयस्य च

kānanāni vicitrāṇi nadī prasravaṇāni ca
paśyann api yayau rāmaḥ sahyasya malayasya ca

चम्पकांस् तिलकाम्ः चूतान् अशोकान् सिन्दु वारकान्
तिनिशान् करवीराम्ः च तिमिशान् भन्जन्ति स्म प्लवम् गमाः

campakāṃs tilakāmḥ cūtān aśokān sindu vārakān
tiniśān karavīrāmḥ ca timiśān bhanjanti sma plavam gamāḥ

अशोकांश्च करञ्जांश्च प्लक्षन्य्ग्रोधपादपान्
जम्बूकामलकान्नागान् भजन्ति स्म प्लवङ्गमाः

aśokāṃśca karañjāṃśca plakṣanygrodhapādapān
jambūkāmalakānnāgān bhajanti sma plavaṅgamāḥ

प्रस्तरेषु च रम्येषु विविधाः काननद्रुमाः
वायुवेगप्रचलिताः पुष्पैरवकिरन्ति ताम्

prastareṣu ca ramyeṣu vividhāḥ kānanadrumāḥ
vāyuvegapracalitāḥ puṣpairavakiranti tām

मारुतः सुखसंस्पर्शोओ वाति चन्दनशीतलः
षट्पदैरनुकूजद्भिर्वनेषु मधुगन्धिषु

mārutaḥ sukhasaṃsparśoo vāti candanaśītalaḥ
ṣaṭpadairanukūjadbhirvaneṣu madhugandhiṣu

अधिकम् शैलराजस्तु धातुभिस्तु विभूसितः
धातुभ्यः प्रसृतो रेणुर्वायुवेगेन घुट्टितः

adhikam śailarājastu dhātubhistu vibhūsitaḥ
dhātubhyaḥ prasṛto reṇurvāyuvegena ghuṭṭitaḥ

गिरिप्रस्थेषु रम्येषु सर्वतः सम्प्रपुष्पिताः

giriprastheṣu ramyeṣu sarvataḥ samprapuṣpitāḥ

व्यास्तिस्मिन् गिरौ रम्याः पल्वलानि तथैव च
चक्रवाकानुचरिताः कारण्डवनिषेविताः

vyāstismin girau ramyāḥ palvalāni tathaiva ca
cakravākānucaritāḥ kāraṇḍavaniṣevitāḥ

तस्य सानुषु कूजन्ति नानाद्विजगणास्तथा

tasya sānuṣu kūjanti nānādvijagaṇāstathā

फलानि अमृत गन्धीनि मूलानि कुसुमानि च
बुभुजुर् वानरास् तत्र पादपानाम् बल उत्कटाः

phalāni amṛta gandhīni mūlāni kusumāni ca
bubhujur vānarās tatra pādapānām bala utkaṭāḥ

द्रोण मात्र प्रमाणानि लम्बमानानि वानराः
ययुः पिबन्तो हृष्टास् ते मधूनि मधु पिन्गलाः

droṇa mātra pramāṇāni lambamānāni vānarāḥ
yayuḥ pibanto hṛṣṭās te madhūni madhu pingalāḥ

पादपान् अवभन्जन्तो विकर्षन्तस् तथा लताः
विधमन्तो गिरि वरान् प्रययुः प्लवग ऋषभाः

pādapān avabhanjanto vikarṣantas tathā latāḥ
vidhamanto giri varān prayayuḥ plavaga ṛṣabhāḥ

वृक्षेभ्यो अन्ये तु कपयो नर्दन्तो मधु दर्पिताः
अन्ये वृक्षान् प्रपद्यन्ते प्रपतन्ति अपि च अपरे

vṛkṣebhyo anye tu kapayo nardanto madhu darpitāḥ
anye vṛkṣān prapadyante prapatanti api ca apare

बभूव वसुधा तैस् तु सम्पूर्णा हरि पुम्गवैः
यथा कमल केदारैः पक्वैर् इव वसुम् धरा

babhūva vasudhā tais tu sampūrṇā hari pumgavaiḥ
yathā kamala kedāraiḥ pakvair iva vasum dharā

महाइन्द्रम् अथ सम्प्राप्य रामो राजीव लोचनः
अध्यारोहन् महाबाहुः शिखरम् द्रुम भूषितम्

mahāindram atha samprāpya rāmo rājīva locanaḥ
adhyārohan mahābāhuḥ śikharam druma bhūṣitam

ततः शिखरम् आरुह्य रामो दशरथ आत्मजः
कूर्म मीन समाकीर्णम् अपश्यत् सलिल आशयम्

tataḥ śikharam āruhya rāmo daśaratha ātmajaḥ
kūrma mīna samākīrṇam apaśyat salila āśayam

ते सह्यम् समतिक्रम्य मलयम् च महागिरिम्
आसेदुर् आनुपूर्व्येण समुद्रम् भीम निह्स्वनम्

te sahyam samatikramya malayam ca mahāgirim
āsedur ānupūrvyeṇa samudram bhīma nihsvanam

अवरुह्य जगाम आशु वेला वनम् अनुत्तमम्
रामो रमयताम् श्रेष्ठः ससुग्रीवः सलक्ष्मणः

avaruhya jagāma āśu velā vanam anuttamam
rāmo ramayatām śreṣṭhaḥ sasugrīvaḥ salakṣmaṇaḥ

अथ धौत उपल तलाम् तोय ओघैः सहसा उत्थितैः
वेलाम् आसाद्य विपुलाम् रामो वचनम् अब्रवीत्

atha dhauta upala talām toya oghaiḥ sahasā utthitaiḥ
velām āsādya vipulām rāmo vacanam abravīt

एते वयम् अनुप्राप्ताः सुग्रीव वरुण आलयम्
इह इदानीम् विचिन्ता सा या न पूर्वम् समुत्थिता

ete vayam anuprāptāḥ sugrīva varuṇa ālayam
iha idānīm vicintā sā yā na pūrvam samutthitā

अतः परम् अतीरो अयम् सागरः सरिताम् पति
न च अयम् अनुपायेन शक्यस् तरितुम् अर्णवः

ataḥ param atīro ayam sāgaraḥ saritām pati
na ca ayam anupāyena śakyas taritum arṇavaḥ

तद् इह एव निवेशो अस्तु मन्त्रः प्रस्तूयताम् इह
यथा इदम् वानर बलम् परम् पारम् अवाप्नुयात्

tad iha eva niveśo astu mantraḥ prastūyatām iha
yathā idam vānara balam param pāram avāpnuyāt

इति इव स महाबाहुः सीता हरण कर्शितः
रामः सागरम् आसाद्य वासम् आज्ञापयत् तदा

iti iva sa mahābāhuḥ sītā haraṇa karśitaḥ
rāmaḥ sāgaram āsādya vāsam ājñāpayat tadā

सर्वाः सेना निवेश्यन्ताम् वेलायाम् हरिपुङ्गव
सम्प्राप्तो मन्त्र कालो नः सागरस्य इह लन्घने

sarvāḥ senā niveśyantām velāyām haripuṅgava
samprāpto mantra kālo naḥ sāgarasya iha langhane

स्वाम् स्वाम् सेनाम् समुत्स्र्ज्य मा च कश्चित् कुतो व्रजेत्
गच्चन्तु वानराः शूरा ज्ञेयम् चन्नम् भयम् च नः

svām svām senām samutsrjya mā ca kaścit kuto vrajet
gaccantu vānarāḥ śūrā jñeyam cannam bhayam ca naḥ

रामस्य वचनम् श्रुत्वा सुग्रीवः सह लक्ष्मणः
सेनाम् न्यवेशयत् तीरे सागरस्य द्रुम आयुते

rāmasya vacanam śrutvā sugrīvaḥ saha lakṣmaṇaḥ
senām nyaveśayat tīre sāgarasya druma āyute

विरराज समीपस्थम् सागरस्य तु तद् बलम्
मधु पाण्डु जलः श्रीमान् द्वितीय इव सागरः

virarāja samīpastham sāgarasya tu tad balam
madhu pāṇḍu jalaḥ śrīmān dvitīya iva sāgaraḥ

वेला वनम् उपागम्य ततस् ते हरि पुम्गवाः
विनिविष्टाः परम् पारम् कान्क्षमाणा महाउदधेः

velā vanam upāgamya tatas te hari pumgavāḥ
viniviṣṭāḥ param pāram kānkṣamāṇā mahāudadheḥ

तेषाम् निविशमानानाम् सैन्यसम्नाहनिःस्वनः
अन्तर्धाय महानादमर्णवस्य प्रशुश्रुवे

teṣām niviśamānānām sainyasamnāhaniḥsvanaḥ
antardhāya mahānādamarṇavasya praśuśruve

सा महाअर्णवम् आसाद्य ह्र्ष्टा वानर वाहिनी
त्रिधा निविष्टा महती रामस्यार्थपराभवत्

sā mahāarṇavam āsādya hrṣṭā vānara vāhinī
tridhā niviṣṭā mahatī rāmasyārthaparābhavat

सा महार्णवमासाद्य हृष्टा वानरवाहिनी
वायु वेग समाधूतम् पश्यमाना महाअर्णवम्

sā mahārṇavamāsādya hṛṣṭā vānaravāhinī
vāyu vega samādhūtam paśyamānā mahāarṇavam

दूर पारम् असम्बाधम् रक्षो गण निषेवितम्
पश्यन्तो वरुण आवासम् निषेदुर् हरि यूथपाः

dūra pāram asambādham rakṣo gaṇa niṣevitam
paśyanto varuṇa āvāsam niṣedur hari yūthapāḥ

चण्ड नक्र ग्रहम् घोरम् क्षपा आदौ दिवस क्षये
हसन्तमिव फेनौघैर्नृत्यन्तमिव चोर्मिभिः

caṇḍa nakra graham ghoram kṣapā ādau divasa kṣaye
hasantamiva phenaughairnṛtyantamiva cormibhiḥ

चन्द्र उदये समाधूतम् प्रतिचन्द्र समाकुलम्
चण्ड अनिल महाग्राहैः कीर्णम् तिमि तिमिम्गिलैः

candra udaye samādhūtam praticandra samākulam
caṇḍa anila mahāgrāhaiḥ kīrṇam timi timimgilaiḥ

दीप्त भोगैर् इव आक्रीर्णम् भुजम्गैर् वरुण आलयम्
अवगाढम् महासत्तैर् नाना शैल समाकुलम्

dīpta bhogair iva ākrīrṇam bhujamgair varuṇa ālayam
avagāḍham mahāsattair nānā śaila samākulam

मकरैर् नाग भोगैः च विगाढा वात लोहिताः

makarair nāga bhogaiḥ ca vigāḍhā vāta lohitāḥ

अग्नि चूर्णम् इव आविद्धम् भास्कर अम्बु मनो रगम्

agni cūrṇam iva āviddham bhāskara ambu mano ragam

सागरम् च अम्बर प्रख्यम् अम्बरम् सागर उपमम्
सागरम् च अम्बरम् च इति निर्विशेषम् अदृश्यत

sāgaram ca ambara prakhyam ambaram sāgara upamam
sāgaram ca ambaram ca iti nirviśeṣam adṛśyata

सम्पृक्तम् नभसा हि अम्भः सम्प्र्क्तम् च नभो अम्भसा

sampṛktam nabhasā hi ambhaḥ samprktam ca nabho ambhasā

समुत्पतित मेघस्य वीच्चि माला आकुलस्य च
विशेषो न द्वयोर् आसीत् सागरस्य अम्बरस्य च

samutpatita meghasya vīcci mālā ākulasya ca
viśeṣo na dvayor āsīt sāgarasya ambarasya ca

अन्योन्यैर् आहताः सक्ताः सस्वनुर् भीम निह्स्वनाः

anyonyair āhatāḥ saktāḥ sasvanur bhīma nihsvanāḥ

रत्न ओघ जल सम्नादम् विषक्तम् इव वायुना

ratna ogha jala samnādam viṣaktam iva vāyunā

इत्यार्शे श्र्रिमद्रामायणे आदिकाव्ये युद्धकाण्डे चतुर्थः सर्गः

ityārśe śrrimadrāmāyaṇe ādikāvye yuddhakāṇḍe caturthaḥ sargaḥ