तेन शन्ख विमिश्रेण भेरी शब्देन राघवः
उपयतो महा बाहू रामह् पर पुरम् जयः

tena śankha vimiśreṇa bherī śabdena rāghavaḥ
upayato mahā bāhū rāmah para puram jayaḥ

तम् निनादम् निशम्य अथ रावणो राक्षस ईश्वरः
मुहूर्तम् ध्यानम् आस्थाय सचिवान् अभ्युदैक्षत

tam ninādam niśamya atha rāvaṇo rākṣasa īśvaraḥ
muhūrtam dhyānam āsthāya sacivān abhyudaikṣata

अथ तान् सचिवांस् तत्र सर्वान् आभाष्य रावणः
सभाम् सम्नादयन् सर्वाम् इत्य् उवाच महा बलः

atha tān sacivāṃs tatra sarvān ābhāṣya rāvaṇaḥ
sabhām samnādayan sarvām ity uvāca mahā balaḥ

तरणम् सागरस्य अपि विक्रमम् बल संचयम्

taraṇam sāgarasya api vikramam bala saṃcayam

भवतश्चाप्यहम् वेद्मि युद्धे सत्यपराक्रमान्

bhavataścāpyaham vedmi yuddhe satyaparākramān

ततस् तु सुमहा प्राज्नो माल्यवान् नाम राक्षसः

tatas tu sumahā prājno mālyavān nāma rākṣasaḥ

विद्यास्वभिविनीतो यो राजा राजन् नय अनुगः

vidyāsvabhivinīto yo rājā rājan naya anugaḥ

संदधानो हि कालेन विगृह्णंस्ः चारिभिः सह

saṃdadhāno hi kālena vigṛhṇaṃsḥ cāribhiḥ saha

हीयमानेन कर्तव्यो राज्ना संधिः समेन च

hīyamānena kartavyo rājnā saṃdhiḥ samena ca

तन्मह्यम् रोचते संधिः सह रामेण रावण

tanmahyam rocate saṃdhiḥ saha rāmeṇa rāvaṇa

तस्य देव ऋषयः सर्वे गन्धर्वास्ः च जय एषिणः

tasya deva ṛṣayaḥ sarve gandharvāsḥ ca jaya eṣiṇaḥ

असृजद् भगवान् पक्षौ द्वाव् एव हि पितामहः

asṛjad bhagavān pakṣau dvāv eva hi pitāmahaḥ

धर्मो हि श्रूयते पक्षः सुराणाम् च महात्मनाम्

dharmo hi śrūyate pakṣaḥ surāṇām ca mahātmanām

धर्मो वै ग्रसते अधर्मम् ततः कृतम् अभूद् युगम्

dharmo vai grasate adharmam tataḥ kṛtam abhūd yugam

तत् त्वया चरता लोकान् धर्मो विनिहतो महान्

tat tvayā caratā lokān dharmo vinihato mahān

स प्रमादाद् विवृद्धस् ते अधर्मो अहिर् ग्रसते हि नः

sa pramādād vivṛddhas te adharmo ahir grasate hi naḥ

विषयेषु प्रसक्तेन यत् किंचित् कारिणा त्वया

viṣayeṣu prasaktena yat kiṃcit kāriṇā tvayā

तेषाम् प्रभावो दुर्धर्षः प्रदीप्त;इव पावकः

teṣām prabhāvo durdharṣaḥ pradīpta;iva pāvakaḥ

ऋषीणाम् अग्नि कल्पानाम् अग्नि होत्र समुत्थितः

ṛṣīṇām agni kalpānām agni hotra samutthitaḥ

तेषु तेषु च देशेषु पुण्येषु च दृढ व्रतैः

teṣu teṣu ca deśeṣu puṇyeṣu ca dṛḍha vrataiḥ

देवदानवयक्षेभो गृहीतश्च वरस्त्वया

devadānavayakṣebho gṛhītaśca varastvayā

उत्पातान् विविधान् दृष्ट्वा घोरान् बहु विधांस् तथा
विनाशम् अनुपश्यामि सर्वेषाम् रक्षसाम् अहम्

utpātān vividhān dṛṣṭvā ghorān bahu vidhāṃs tathā
vināśam anupaśyāmi sarveṣām rakṣasām aham

खराभिस् तनिता घोरा मेघाह् प्रतिभयम् करः
शोणितेन अभिवर्षन्ति लन्काम् उष्णेन सर्वतः

kharābhis tanitā ghorā meghāh pratibhayam karaḥ
śoṇitena abhivarṣanti lankām uṣṇena sarvataḥ

रुदताम् वाहनानाम् च प्रपतन्त्य् अस्र बिन्दवः
ध्वजा ध्वस्ता विवर्णास्ः च न प्रभान्ति यथा पुरम्

rudatām vāhanānām ca prapatanty asra bindavaḥ
dhvajā dhvastā vivarṇāsḥ ca na prabhānti yathā puram

व्याला गोमायवो ग्र्^ इध्रा वाशन्ति च सुभैरवम्
प्रविश्य लन्काम् अनिशम् समवायांस्ः च कुर्वते

vyālā gomāyavo gr^ idhrā vāśanti ca subhairavam
praviśya lankām aniśam samavāyāṃsḥ ca kurvate

कालिकाः पाण्डुरैर् दन्तैः प्रहसन्त्य् अग्रतः स्थिताः
स्त्रियः स्वप्नेषु मुष्णन्त्यो गृहाणि प्रतिभाष्य च

kālikāḥ pāṇḍurair dantaiḥ prahasanty agrataḥ sthitāḥ
striyaḥ svapneṣu muṣṇantyo gṛhāṇi pratibhāṣya ca

गृहाणाम् बलि कर्माणि श्वानः पर्युपभुन्जते
खरा गोषु प्रजायन्ते मूषिका नकुलैः सह

gṛhāṇām bali karmāṇi śvānaḥ paryupabhunjate
kharā goṣu prajāyante mūṣikā nakulaiḥ saha

मार्जारा द्वीपिभिः सार्धम् सूकराः शुनकैः सह
किम्नरा राक्षसैस्ः च अपि समेयुर् मानुषैः सह

mārjārā dvīpibhiḥ sārdham sūkarāḥ śunakaiḥ saha
kimnarā rākṣasaisḥ ca api sameyur mānuṣaiḥ saha

पाण्डुरा रक्त पादास्ः च विहगाः काल चोदिताः
राक्षसानाम् विनाशाय कपोता विचरन्ति च

pāṇḍurā rakta pādāsḥ ca vihagāḥ kāla coditāḥ
rākṣasānām vināśāya kapotā vicaranti ca

वीचीकूचीति वाशन्त्यः शारिका वेश्मसु स्थिताः
पतन्ति ग्रथितास्ः च अपि निर्जिताः कलह एषिणः

vīcīkūcīti vāśantyaḥ śārikā veśmasu sthitāḥ
patanti grathitāsḥ ca api nirjitāḥ kalaha eṣiṇaḥ

पक्षिणश्च मृगाः सर्वे प्रत्यादित्यम् रुदन्ति ते
करालो विकटो मुण्डः पुरुषः कृष्ण पिन्गलः

pakṣiṇaśca mṛgāḥ sarve pratyādityam rudanti te
karālo vikaṭo muṇḍaḥ puruṣaḥ kṛṣṇa pingalaḥ

विष्णुम् मन्यामहे रामम् मानुषम् देहम् आस्थितम्
न हि मानुष मात्रो असौ राघवो दृढ विक्रमः

viṣṇum manyāmahe rāmam mānuṣam deham āsthitam
na hi mānuṣa mātro asau rāghavo dṛḍha vikramaḥ

इत्यार्षे श्रीमद्रामायणे आदिकाव्ये युद्धकाण्डे पञ्चत्रिंशः सर्गः

ityārṣe śrīmadrāmāyaṇe ādikāvye yuddhakāṇḍe pañcatriṃśaḥ sargaḥ