स ताम् परिषदम् कृत्स्नाम् समीक्ष्य समितिम्जयः
प्रबोधयामास तदा प्रहस्तम् वाहिनीपतिम्

sa tām pariṣadam kṛtsnām samīkṣya samitimjayaḥ
prabodhayāmāsa tadā prahastam vāhinīpatim

सेनापते यथा ते स्युः कृतविद्याश्चतुर्विधाः
योधा नगररक्षायाम् तथा व्यादेष्टुमर्हसि

senāpate yathā te syuḥ kṛtavidyāścaturvidhāḥ
yodhā nagararakṣāyām tathā vyādeṣṭumarhasi

स प्रहस्तः प्रतीतात्मा चिकीर्षन् राजशासनम्
विनिक्षिपद् बलम् सर्वम् बहिरन्तश्च मन्दिरे

sa prahastaḥ pratītātmā cikīrṣan rājaśāsanam
vinikṣipad balam sarvam bahirantaśca mandire

ततो विनिक्षिप्य बलम् सर्वम् नगरगुप्तये
प्रहस्तः प्रमुखे राज्ञो निषसाद जगाद च

tato vinikṣipya balam sarvam nagaraguptaye
prahastaḥ pramukhe rājño niṣasāda jagāda ca

विहितम् बहिरन्तश्च बलम् बलवतस्तव
कुरुष्वाविमनाः क्षिप्रम् यदभिप्रेतमस्ति ते

vihitam bahirantaśca balam balavatastava
kuruṣvāvimanāḥ kṣipram yadabhipretamasti te

प्रहस्तस्य वचः श्रुत्वा राजा राज्यहितैषिणः
सुखेप्सुः सुहृदाम् मध्ये व्याजहार स रावणः

prahastasya vacaḥ śrutvā rājā rājyahitaiṣiṇaḥ
sukhepsuḥ suhṛdām madhye vyājahāra sa rāvaṇaḥ

प्रियाप्रिये सुख दुःखम् लाभालाभे सिताहिते
धर्मकामार्थकृच्च्रेषु यूयमार्हथ वेदितुम्

priyāpriye sukha duḥkham lābhālābhe sitāhite
dharmakāmārthakṛccreṣu yūyamārhatha veditum

सर्वकृत्यानि युष्माभिः समारब्धनि सर्वदा
मन्त्रकर्मनियुक्तानि न जातु विफलानि मे

sarvakṛtyāni yuṣmābhiḥ samārabdhani sarvadā
mantrakarmaniyuktāni na jātu viphalāni me

ससोमग्रहनक्षत्रैर्मरुद्भिरिव वासवः
भवद्भिरहमत्यर्थम् वृतः श्रियमवाप्नुयाम्

sasomagrahanakṣatrairmarudbhiriva vāsavaḥ
bhavadbhirahamatyartham vṛtaḥ śriyamavāpnuyām

अहम् तु खलु सर्वन्वः समर्थयुतुमुद्यतः
कुमभकर्णस्य तु स्वप्नान्नेममर्थमचोदयम्

aham tu khalu sarvanvaḥ samarthayutumudyataḥ
kumabhakarṇasya tu svapnānnemamarthamacodayam

अयम् हि सुप्तः ष्ण्मासान् कुम्भकर्णो महाबलः
सर्वशस्त्रभृतम् मुख्यः स इदानीम् समुत्थितः

ayam hi suptaḥ ṣṇmāsān kumbhakarṇo mahābalaḥ
sarvaśastrabhṛtam mukhyaḥ sa idānīm samutthitaḥ

इयम् च दण्डकारद्रामस्य महिषी प्रिया
रक्षोभिश्चरितोद्देशादानीता जनकात्मजा

iyam ca daṇḍakāradrāmasya mahiṣī priyā
rakṣobhiścaritoddeśādānītā janakātmajā

सा मे न शय्यामारोढुमिच्चत्यलसगामिनी
त्रिषुलोकेषु चान्या मे न सीतासदृशी मता

sā me na śayyāmāroḍhumiccatyalasagāminī
triṣulokeṣu cānyā me na sītāsadṛśī matā

तनुमध्या पृथुश्रोणी शरदिन्दुनिभानना
हेमबिम्बनिभा सौम्यामायेव मयनिर्मिता

tanumadhyā pṛthuśroṇī śaradindunibhānanā
hemabimbanibhā saumyāmāyeva mayanirmitā

सुलोहिततलौ श्लक्क्षणौ चरणौ सुप्रतिष्ठतौ
दृष्ट्वा ताम्रनखौ तस्या दीप्यते मे शरीरजः

sulohitatalau ślakkṣaṇau caraṇau supratiṣṭhatau
dṛṣṭvā tāmranakhau tasyā dīpyate me śarīrajaḥ

हुताग्निरर्चिःसम्काशामेनाम् सौरीमिव प्रभाम्
उन्नसम् विमलम् वल्गु वदनम् चारुलोचनम्

hutāgnirarciḥsamkāśāmenām saurīmiva prabhām
unnasam vimalam valgu vadanam cārulocanam

क्रोधहर्षसमानेन दुर्वर्णकरणेन च

krodhaharṣasamānena durvarṇakaraṇena ca

सा तु सम्वत्सरम् कालम् मामयाचत भामिनी

sā tu samvatsaram kālam māmayācata bhāminī

कथम् सागरमक्षोभ्यम् तरिष्यन्ति वनौकसः

katham sāgaramakṣobhyam tariṣyanti vanaukasaḥ

अथवा कपिनैकेन कृतम् नः कदनम् महत्

athavā kapinaikena kṛtam naḥ kadanam mahat

मानुषान्नो भयम् नास्ति तथापि तु विमृश्यताम्

mānuṣānno bhayam nāsti tathāpi tu vimṛśyatām

अदेया च यथा सीता वध्यौ दशरथात्मजौ
भवद्भिर्मन्त्य्रताम् मन्त्रः सुनीतम् चाभिधीयताम्

adeyā ca yathā sītā vadhyau daśarathātmajau
bhavadbhirmantyratām mantraḥ sunītam cābhidhīyatām

न हि शक्तिम् प्रपश्यामि जगत्यन्यस्य कस्यचित्
सागरम् वानरैस्तीर्त्वा विश्चयेन जयो मम

na hi śaktim prapaśyāmi jagatyanyasya kasyacit
sāgaram vānaraistīrtvā viścayena jayo mama

तस्य कामपरीतस्य निशम्य परिदेवितम्
कुम्भकर्णः प्रचुक्रोध वचनम् चेदमब्रवीत्

tasya kāmaparītasya niśamya paridevitam
kumbhakarṇaḥ pracukrodha vacanam cedamabravīt

यदा तु रामस्य सलक्ष्मणस्य
प्रसह्य सीता खलु पा इहा।अहृता
सकृत्समीक्षैव सुनिश्चितम् तदा
भजेत चित्तम् यमुनेव यामुनम्

yadā tu rāmasya salakṣmaṇasya
prasahya sītā khalu pā ihā|ahṛtā
sakṛtsamīkṣaiva suniścitam tadā
bhajeta cittam yamuneva yāmunam

सर्वमेतन्महाराज कृतमप्रतिमम् तव
विधीयेत सहास्माभिरादावेवास्य कर्मणः

sarvametanmahārāja kṛtamapratimam tava
vidhīyeta sahāsmābhirādāvevāsya karmaṇaḥ

न्यायेन राजकार्याणि यः करोति दशानन
न स सम्तप्यते पश्चान्निश्चतार्थमतिर्नृपः

nyāyena rājakāryāṇi yaḥ karoti daśānana
na sa samtapyate paścānniścatārthamatirnṛpaḥ

अनुपायेन कर्माणि विपरीतानि यानि च
क्रियमाणानि दुष्यन्ति हवीम्ष्यप्रयतेष्विन

anupāyena karmāṇi viparītāni yāni ca
kriyamāṇāni duṣyanti havīmṣyaprayateṣvina

यः पश्चात्पूर्वकार्याणि कर्माण्यभिचिकीर्षति
पूर्वम् चापरकर्याणि न स वेद नयानयौ

yaḥ paścātpūrvakāryāṇi karmāṇyabhicikīrṣati
pūrvam cāparakaryāṇi na sa veda nayānayau

चपलस्य तु कृत्येषु प्रसमीक्स्याधिकम् बलम्
चिद्रमन्ये प्रपद्यन्ते क्रौञ्चस्य खमिव द्विजाः

capalasya tu kṛtyeṣu prasamīksyādhikam balam
cidramanye prapadyante krauñcasya khamiva dvijāḥ

त्वयेदम् महादारभम् कार्य मप्रतिचिन्तितम्
दिष्ट्या त्वाम् नावधीद्रामो विषमिश्रमिवामृतम्

tvayedam mahādārabham kārya mapraticintitam
diṣṭyā tvām nāvadhīdrāmo viṣamiśramivāmṛtam

तस्मात्त्वया समारब्धम् कर्म ह्यप्रतिमम् परैः
अहम् समीकरिष्यामि हत्वा शत्रूम् स्तनानघ

tasmāttvayā samārabdham karma hyapratimam paraiḥ
aham samīkariṣyāmi hatvā śatrūm stanānagha

अहमुत्सादयिष्यामि शत्रूंस्तव निशाचर
यदि शक्रविवस्वन्तौ यदि पावकमारुतौ

ahamutsādayiṣyāmi śatrūṃstava niśācara
yadi śakravivasvantau yadi pāvakamārutau

गिरिमात्रशरीरस्य महापरिघयोधिनः

girimātraśarīrasya mahāparighayodhinaḥ

पुनर्माम् सद्वितीयेन शरेण निहनिष्यति

punarmām sadvitīyena śareṇa nihaniṣyati

वधेव वै दाशरथेह् सुखावहम्
जयम् तवाहर्तुमहम् तयिष्ये
हत्वा च रामम् सह लक्ष्मणेन
खादामि सर्वान् हरियूथमुख्यान्

vadheva vai dāśaratheh sukhāvaham
jayam tavāhartumaham tayiṣye
hatvā ca rāmam saha lakṣmaṇena
khādāmi sarvān hariyūthamukhyān

इत्यार्षे श्रीमद्रामायणे आदिकाव्ये युद्धकाण्डे द्वादशः सर्गः

ityārṣe śrīmadrāmāyaṇe ādikāvye yuddhakāṇḍe dvādaśaḥ sargaḥ