स बभुव कृशो राजा मैथिलीकाममोहितः
असन्मानाच्च सुहृदाम् पापः पापेन कर्मणाः

sa babhuva kṛśo rājā maithilīkāmamohitaḥ
asanmānācca suhṛdām pāpaḥ pāpena karmaṇāḥ

अतीतसमये काले तस्मिन्वे युधि रावणः
अमात्यैश्च सुहृद्भिश्च प्राप्तकालममन्यत

atītasamaye kāle tasminve yudhi rāvaṇaḥ
amātyaiśca suhṛdbhiśca prāptakālamamanyata

स हेमजालविततम् मणिविद्रुमभूषितम्
उपगम्य विनीताश्वमारुरोह महार्थम्

sa hemajālavitatam maṇividrumabhūṣitam
upagamya vinītāśvamāruroha mahārtham

तमास्थाय रथश्रेष्ठो महामेघसमस्वनम्
प्रययौ रक्षसाम् श्रेष्ठो दशग्रीवः सभाम् प्रति

tamāsthāya rathaśreṣṭho mahāmeghasamasvanam
prayayau rakṣasām śreṣṭho daśagrīvaḥ sabhām prati

असिचर्मधरा योधाः सर्वायुधधरास्ततः
राक्षसा राक्षसेन्द्रस्य पुरस्तात्सम्प्रतस्थिरे

asicarmadharā yodhāḥ sarvāyudhadharāstataḥ
rākṣasā rākṣasendrasya purastātsampratasthire

नानाविकृतवेषाश्च नानाभूषणभूषिताः
पार्श्वतः पृष्ठतश्चैनम् परिवार्य ययुस्तदा

nānāvikṛtaveṣāśca nānābhūṣaṇabhūṣitāḥ
pārśvataḥ pṛṣṭhataścainam parivārya yayustadā

रथैश्चातिरथा शीघ्रम् मतैश्च वरवारणैः
अमात्पेतुर्दशग्रीवमाक्रीडद्भिश्च वाजिभिः

rathaiścātirathā śīghram mataiśca varavāraṇaiḥ
amātpeturdaśagrīvamākrīḍadbhiśca vājibhiḥ

गदापरिघहस्ताश्च शक्तितोमरपाणयः
परश्वथधराश्चान्ये तथान्ये शूलपाणयः

gadāparighahastāśca śaktitomarapāṇayaḥ
paraśvathadharāścānye tathānye śūlapāṇayaḥ

ततस्तूर्यसहस्राणाम् सम्जज्ञे निःस्वनो महान्
तुमुलः शङ्खशब्दश्च सभाम् गच्चति रवणे

tatastūryasahasrāṇām samjajñe niḥsvano mahān
tumulaḥ śaṅkhaśabdaśca sabhām gaccati ravaṇe

स नेमिघोषेण महान्सहसाभिनिनादयन्
राजमार्गम् श्रिया जुष्टम् प्रतिपेदे महारथः

sa nemighoṣeṇa mahānsahasābhininādayan
rājamārgam śriyā juṣṭam pratipede mahārathaḥ

विमलम् चातपत्रम् च पगृहीतमशोभत
पाण्डुरम् राक्षसेन्द्रस्य पूर्णस्तारधिपो यथा

vimalam cātapatram ca pagṛhītamaśobhata
pāṇḍuram rākṣasendrasya pūrṇastāradhipo yathā

हेमञ्जरिगर्भे च शुद्धस्फटिकविग्रहे
चामरव्यजने तस्य रेजतुः सव्यदक्षिणे

hemañjarigarbhe ca śuddhasphaṭikavigrahe
cāmaravyajane tasya rejatuḥ savyadakṣiṇe

ते कृताञ्जलयः सर्वे रथस्थम् पृथिवीस्थिताः
राक्ष्सा राक्षसश्रेष्ठम् शिरोभिस्तम् ववन्दिरे

te kṛtāñjalayaḥ sarve rathastham pṛthivīsthitāḥ
rākṣsā rākṣasaśreṣṭham śirobhistam vavandire

राक्षनैः स्तूयमानः सन् जयाशीर्भिररिंदमः
अससाद महातेजाः सभाम् विरचिताम् तदा

rākṣanaiḥ stūyamānaḥ san jayāśīrbhirariṃdamaḥ
asasāda mahātejāḥ sabhām viracitām tadā

सुवर्णरजतास्तीर्णाम् विशुद्धस्फटिकान्तराम्
विराजमानो वपुषा रुक्मपट्टोत्तरच्चदाम्

suvarṇarajatāstīrṇām viśuddhasphaṭikāntarām
virājamāno vapuṣā rukmapaṭṭottaraccadām

तस्याम् स वैदूर्यमयम् प्रियाकाजिनसम्वृतम्
महत्सोपाश्रयम् भेजे रावणः परमासनम्

tasyām sa vaidūryamayam priyākājinasamvṛtam
mahatsopāśrayam bheje rāvaṇaḥ paramāsanam

ततः शशासेश्वरवद्दूतान् लघुपराक्रमान्
समानयत मे क्षिप्रमिहैतान् राक्षसानिति

tataḥ śaśāseśvaravaddūtān laghuparākramān
samānayata me kṣipramihaitān rākṣasāniti

राक्षसास्तद्वचः श्रुत्वा लङ्कायाम् परिचक्रमुः

rākṣasāstadvacaḥ śrutvā laṅkāyām paricakramuḥ

ते रथान् रुचिरानेके दृप्तानेके दृढान् हयान्
नागनेके।अधिरुरुहुर्जग्मुश्चैके पदातयः

te rathān rucirāneke dṛptāneke dṛḍhān hayān
nāganeke|adhiruruhurjagmuścaike padātayaḥ

सा पुरी परमाकीर्णा रथकुञ्जरवाजिभिः
सम्पतद्भिर्विरुरुचे गरुत्मद्चिरिवामबरम्

sā purī paramākīrṇā rathakuñjaravājibhiḥ
sampatadbhirviruruce garutmadcirivāmabaram

ते वाहनान्यवस्थाप्य यानानि विविधानि च
सभाम् पद्भिः प्रविविशुः सिम्हा गिरिगुहामिव

te vāhanānyavasthāpya yānāni vividhāni ca
sabhām padbhiḥ praviviśuḥ simhā giriguhāmiva

राज्ञ्ः पादौ गृहीत्वा तु राज्ञा ते प्रतिपूजिताः
पीठेष्वन्ये बृसीष्वन्ये भूमौ केचिदुपाविशन्

rājñḥ pādau gṛhītvā tu rājñā te pratipūjitāḥ
pīṭheṣvanye bṛsīṣvanye bhūmau kecidupāviśan

ते समेत्य सभायाम् वै राक्षसा राजशासनात्
यथार्हमुपतस्थुस्ते रावणम् राक्षसाधिपम्

te sametya sabhāyām vai rākṣasā rājaśāsanāt
yathārhamupatasthuste rāvaṇam rākṣasādhipam

मन्त्रिणश्च यथामुख्या निश्चितार्थेषु पण्डिताः
अमात्याश्च गुणोपेताः सर्वज्ञा बुद्धिदर्शनाः

mantriṇaśca yathāmukhyā niścitārtheṣu paṇḍitāḥ
amātyāśca guṇopetāḥ sarvajñā buddhidarśanāḥ

ततो महात्मा विपुलम् सुयुग्यम्
रथम् वरम् हेमविचित्रिताङ्गम्
शुभम् समास्थाय ययौ यशस्वी
विभीषणः संसदमग्रजस्य

tato mahātmā vipulam suyugyam
ratham varam hemavicitritāṅgam
śubham samāsthāya yayau yaśasvī
vibhīṣaṇaḥ saṃsadamagrajasya

स पूर्वजायावरजः शशंस
ना माथ पश्चाच्चरणौ ववन्दे
शुकः प्रहस्तश्च तथैव तेभ्यो
ददौ यथार्हम् प्र्^थगासनानि

sa pūrvajāyāvarajaḥ śaśaṃsa
nā mātha paścāccaraṇau vavande
śukaḥ prahastaśca tathaiva tebhyo
dadau yathārham pr^thagāsanāni

सुवर्णनानामणिभुषणानाम्
सुवाससाम् संसदि राक्षसानाम्
तेषाम् परार्थ्यगुरुचन्दनानाम्
स्रजाम् च गन्धाः प्रववुः समन्तात्

suvarṇanānāmaṇibhuṣaṇānām
suvāsasām saṃsadi rākṣasānām
teṣām parārthyagurucandanānām
srajām ca gandhāḥ pravavuḥ samantāt

न चुक्रुशुर्नानृतमाह कश्चि
त्सभासदो नापि जजल्पुरुच्चैः
संसिद्धार्थः सर्व एवोग्रवीर्या
भर्तुः सर्वे ददृशुश्चाननम् ते

na cukruśurnānṛtamāha kaści
tsabhāsado nāpi jajalpuruccaiḥ
saṃsiddhārthaḥ sarva evogravīryā
bhartuḥ sarve dadṛśuścānanam te

इत्यार्षे श्रीमद्रामायणे आदिकाव्ये युद्धकाण्डे एकादशः सर्गः

ityārṣe śrīmadrāmāyaṇe ādikāvye yuddhakāṇḍe ekādaśaḥ sargaḥ