सो।अवतीर्य द्रुमात्तस्माद्विद्रुमप्रतिमाननः
विनीतवेषः कृपणः प्रणिपत्योपसृत्य च

so|avatīrya drumāttasmādvidrumapratimānanaḥ
vinītaveṣaḥ kṛpaṇaḥ praṇipatyopasṛtya ca

का नु पद्म पलाश अक्षी क्लिष्ट कौशेय वासिनी
द्रुमस्य शाखाम् आलम्ब्य तिष्ठसि त्वम् अनिन्दिता

kā nu padma palāśa akṣī kliṣṭa kauśeya vāsinī
drumasya śākhām ālambya tiṣṭhasi tvam aninditā

किम् अर्थम् तव नेत्राभ्याम् वारि स्रवति शोकजम्
पुण्डरीक पलाशाभ्याम् विप्रकीर्णम् इव
उदकम्

kim artham tava netrābhyām vāri sravati śokajam
puṇḍarīka palāśābhyām viprakīrṇam iva
udakam

सुराणाम् असुराणाम् च नाग गन्धर्व रक्षसाम्
यक्षाणाम् किम्नराणाम् च का त्वम् भवसि शोभने

surāṇām asurāṇām ca nāga gandharva rakṣasām
yakṣāṇām kimnarāṇām ca kā tvam bhavasi śobhane

का त्वम् भवसि रुद्राणाम् मरुताम् वा वर आनने
वसूनाम् वा वर आरोहे देवता प्रतिभासि
मे

kā tvam bhavasi rudrāṇām marutām vā vara ānane
vasūnām vā vara ārohe devatā pratibhāsi
me

किम् नु चन्द्रमसा हीना पतिता विबुध आलयात्
रोहिणी ज्योतिषाम् श्रेष्ठा श्रेष्ठा सर्व गुण
अन्विता

kim nu candramasā hīnā patitā vibudha ālayāt
rohiṇī jyotiṣām śreṣṭhā śreṣṭhā sarva guṇa
anvitā

कोपात् वा यदि वा मोहात् भर्तारम् असित ईक्षणा

kopāt vā yadi vā mohāt bhartāram asita īkṣaṇā

को नु पुत्रः पिता भ्रात भर्ता वा ते सुमध्यमे

ko nu putraḥ pitā bhrāta bhartā vā te sumadhyame

रोदनादतिनिःश्वासाद्भूमिसंस्पर्शनादपि

rodanādatiniḥśvāsādbhūmisaṃsparśanādapi

व्यञ्जनानि हि ते यानि लक्षणानि च लक्षये

vyañjanāni hi te yāni lakṣaṇāni ca lakṣaye

रावणेन जन स्थानात् बलात् अपहृता यदि

rāvaṇena jana sthānāt balāt apahṛtā yadi

यथा हि तव वैदैन्यम् रूपम् चाप्यतिमानुषम्

yathā hi tava vaidainyam rūpam cāpyatimānuṣam

सा तस्य वचनम् श्रुत्वा राम कीर्तन हर्षिता

sā tasya vacanam śrutvā rāma kīrtana harṣitā

पृथिव्यां राजसिंहानां मुख्यस्य विदितात्मनः

pṛthivyāṃ rājasiṃhānāṃ mukhyasya viditātmanaḥ

दुहिता जनकस्य अहम् वैदेहस्य महात्मनः

duhitā janakasya aham vaidehasya mahātmanaḥ

समा द्वादश तत्र अहम् राघवस्य निवेशने

samā dvādaśa tatra aham rāghavasya niveśane

ततः त्रयोदशे वर्षे राज्येन इक्ष्वाकु नन्दनम्

tataḥ trayodaśe varṣe rājyena ikṣvāku nandanam

तस्मिन् सम्भ्रियमाणे तु राघवस्य अभिषेचने

tasmin sambhriyamāṇe tu rāghavasya abhiṣecane

न पिबेयम् न खादेयम् प्रत्यहम् मम भोजनम्

na pibeyam na khādeyam pratyaham mama bhojanam

यत् तत् उक्तम् त्वया वाक्यम् प्रीत्या नृपति सत्तम

yat tat uktam tvayā vākyam prītyā nṛpati sattama

स राजा सत्य वाग् देव्या वर दानम् अनुस्मरन्

sa rājā satya vāg devyā vara dānam anusmaran

ततः तु स्थविरो राजा सत्य धर्मे व्यवस्थितः

tataḥ tu sthaviro rājā satya dharme vyavasthitaḥ

स पितुः वचनम् श्रीमान् अभिषेकात् परम् प्रियम्

sa pituḥ vacanam śrīmān abhiṣekāt param priyam

दद्यान् न प्रतिगृह्णीयान् न ब्रूयत् किंचित् अप्रियम्

dadyān na pratigṛhṇīyān na brūyat kiṃcit apriyam

स विहाय उत्तरीयाणि महाअर्हाणि महायशाः

sa vihāya uttarīyāṇi mahāarhāṇi mahāyaśāḥ

सा अहम् तस्य अग्रतः तूर्णम् प्रस्थिता वन चारिणी

sā aham tasya agrataḥ tūrṇam prasthitā vana cāriṇī

प्राग् एव तु महाभागः सौमित्रिः मित्र नन्दनः

prāg eva tu mahābhāgaḥ saumitriḥ mitra nandanaḥ

ते वयम् भर्तुः आदेशम् बहु मान्य दृढ व्रताः

te vayam bhartuḥ ādeśam bahu mānya dṛḍha vratāḥ

वसतो दण्डक अरण्ये तस्य अहम् अमित ओजसः

vasato daṇḍaka araṇye tasya aham amita ojasaḥ

इत्यार्षे श्रीमद्रामायणे आदिकाव्ये सुन्दरकाण्डे त्रयस्त्रिंशः सर्गः

ityārṣe śrīmadrāmāyaṇe ādikāvye sundarakāṇḍe trayastriṃśaḥ sargaḥ