स ताम् परिवृतां दीनां निरानन्दां तपस्विनीम्
साकारैर्मधुरैर्वाक्यैर्न्यदर्शयत रावणः

sa tām parivṛtāṃ dīnāṃ nirānandāṃ tapasvinīm
sākārairmadhurairvākyairnyadarśayata rāvaṇaḥ

मां दृष्ट्वा नागनासोरु गूहमाना स्तनोदरम्
अदर्शनमिवात्मानं भयान्नेतुं त्वमिच्चसि

māṃ dṛṣṭvā nāganāsoru gūhamānā stanodaram
adarśanamivātmānaṃ bhayānnetuṃ tvamiccasi

कामये त्वाम् विशालाक्षि बहुमन्यस्व मां प्रिये
सर्वाङ्गगुणसम्पन्ने सर्वलोकमनोहरे

kāmaye tvām viśālākṣi bahumanyasva māṃ priye
sarvāṅgaguṇasampanne sarvalokamanohare

नेह केचिन्मनुष्या वा राक्षसाः कामरूपिणः
व्यपसर्पतु ते सीते भयम् मत्तः समुत्थितम्

neha kecinmanuṣyā vā rākṣasāḥ kāmarūpiṇaḥ
vyapasarpatu te sīte bhayam mattaḥ samutthitam

स्वधर्मो रक्षसां भीरु सर्वथैव न संशयः
गमनं वा परस्त्रीणाम् हरणम् सम्प्रमथ्य
वा

svadharmo rakṣasāṃ bhīru sarvathaiva na saṃśayaḥ
gamanaṃ vā parastrīṇām haraṇam sampramathya
vā

एवं चैतदकामां तु न त्वां स्प्रक्ष्यामि मैथिलि
कामम् कामः शरीरे मे यथाकामं प्रार्तताम्

evaṃ caitadakāmāṃ tu na tvāṃ sprakṣyāmi maithili
kāmam kāmaḥ śarīre me yathākāmaṃ prārtatām

देवि नेह भयम् कार्यम् मयि विश्वसिहि प्रिये
प्रणयस्व च तत्वएन मैवम् भूः शिकलालसा

devi neha bhayam kāryam mayi viśvasihi priye
praṇayasva ca tatvaena maivam bhūḥ śikalālasā

एकवेणी धराशय्या ध्यानं मलिनमम्बरम्
अस्थाने।अप्युपवासश्च नैतान्यौपयिकानि ते

ekaveṇī dharāśayyā dhyānaṃ malinamambaram
asthāne|apyupavāsaśca naitānyaupayikāni te

विचित्राणि च माल्यानि चन्दनान्यगरूणि च
विविधानि च वासांसि द्व्यान्याभरणानि च

vicitrāṇi ca mālyāni candanānyagarūṇi ca
vividhāni ca vāsāṃsi dvyānyābharaṇāni ca

स्त्रीरत्नमसि मैवम् भूः कुरु गात्रेषु भूषणम्
मां प्राप्य हि कथम् नु स्यास्त्वमनर्हा
सुविग्रहे

strīratnamasi maivam bhūḥ kuru gātreṣu bhūṣaṇam
māṃ prāpya hi katham nu syāstvamanarhā
suvigrahe

इदम् ते चारु सम्जातम् यौवनम् व्यतिवर्तते
यदतीतं पुनर्नैति स्रोतः शीघ्रमपामिव

idam te cāru samjātam yauvanam vyativartate
yadatītaṃ punarnaiti srotaḥ śīghramapāmiva

त्वां कृत्वोपरतो मन्ये रूपकर्ता स विश्वसृक्
न हि रूपोपमा त्वन्या तवास्ति शुभदर्शने

tvāṃ kṛtvoparato manye rūpakartā sa viśvasṛk
na hi rūpopamā tvanyā tavāsti śubhadarśane

त्वाम् समाअसाद्य वैदेहि रूपयौवनशालिनीम्
कः पुमानतिवर्तेत साक्षादपि पितामहः

tvām samāasādya vaidehi rūpayauvanaśālinīm
kaḥ pumānativarteta sākṣādapi pitāmahaḥ

यद्यत्पश्यामि ते गात्रम् शीतांशुसदृशानने
तस्मिंस्तस्मिन् पृधुश्रोणि चक्षुर्मम निबध्यते

yadyatpaśyāmi te gātram śītāṃśusadṛśānane
tasmiṃstasmin pṛdhuśroṇi cakṣurmama nibadhyate

भव मैथिलि भाया मे मोहमेनम् विसर्जय
बह्वीनामुत्तमस्त्रीणामाहृतानामितस्ततः

bhava maithili bhāyā me mohamenam visarjaya
bahvīnāmuttamastrīṇāmāhṛtānāmitastataḥ

लोकेभो यानि रत्नानि सम्प्रमथ्याहृतानि वै

lokebho yāni ratnāni sampramathyāhṛtāni vai

विजित्य पृथिवीं सर्वां नानानगरमालिनीम्

vijitya pṛthivīṃ sarvāṃ nānānagaramālinīm

नेह पश्यामि लोके।अन्यम् यो मे प्रतिबलो भवेत्

neha paśyāmi loke|anyam yo me pratibalo bhavet

असकृत्सम्युगे भग्ना मया विमृदितध्वजाः

asakṛtsamyuge bhagnā mayā vimṛditadhvajāḥ

इच्छ मां क्रियतामद्य प्रतिकर्म तवोत्तमम्

iccha māṃ kriyatāmadya pratikarma tavottamam

प्रतिकर्माभिसम्युक्ता दाक्षिण्येन वरानने
भुम्क्ष्व भोगान्यथाकामं पिब भीरु रमस्व
च

pratikarmābhisamyuktā dākṣiṇyena varānane
bhumkṣva bhogānyathākāmaṃ piba bhīru ramasva
ca

यथेच्छम् च प्रयच्छ त्वं पृथिवीम् वा धनानि च
ललस्व मयि विस्रब्धा धृष्टमाज्ञापयस्व
च

yatheccham ca prayaccha tvaṃ pṛthivīm vā dhanāni ca
lalasva mayi visrabdhā dhṛṣṭamājñāpayasva
ca

मत्र्पसादाल्ललन्त्याश्च ललन्तां बान्धवास्तव
बुद्धिं ममानुपश्य त्वम् श्रियम् भद्रे
यशश्च मे

matrpasādāllalantyāśca lalantāṃ bāndhavāstava
buddhiṃ mamānupaśya tvam śriyam bhadre
yaśaśca me

किं करिष्यसि रामेण सुभगे चीरवाससा
निक्षिप्तविजयो रामो गतश्रीर्वनगोचरः

kiṃ kariṣyasi rāmeṇa subhage cīravāsasā
nikṣiptavijayo rāmo gataśrīrvanagocaraḥ

न हि वैदेहि रांस्त्वां द्रष्टुं वा प्युपलस्स्यते

na hi vaidehi rāṃstvāṃ draṣṭuṃ vā pyupalassyate

न चापि मम हस्तात्त्वां प्राप्तुमर्हति राघवः

na cāpi mama hastāttvāṃ prāptumarhati rāghavaḥ

चारुस्मिते चारुदति चारुनेत्रे विलासिनि

cārusmite cārudati cārunetre vilāsini

क्लिष्टकौशेयवसनाम् तन्वीमप्यनलम्कृताम्

kliṣṭakauśeyavasanām tanvīmapyanalamkṛtām

अन्त्ः पुरविनासिन्यः स्त्रियः सर्वगुणान्विताः

antḥ puravināsinyaḥ striyaḥ sarvaguṇānvitāḥ

मम ह्यसितकेशान्ते त्रैलोक्यप्रवराः स्त्रियः

mama hyasitakeśānte trailokyapravarāḥ striyaḥ

यानि वैश्रवणे सुभ्रु रत्नानि च धनानि च

yāni vaiśravaṇe subhru ratnāni ca dhanāni ca

न रामस्तपसा देवि न बलेन विक्रमैः

na rāmastapasā devi na balena vikramaiḥ

पिब विहर रमस्व भुंक्ष्व भोगान्
धननिचौअम् प्रदिशामि मेदिनीम् च
मयि लल
ललने यथासुखम् त्वम्
त्वयि च समेत्य ललन्तु बान्धव्वस्ते

piba vihara ramasva bhuṃkṣva bhogān
dhananicauam pradiśāmi medinīm ca
mayi lala
lalane yathāsukham tvam
tvayi ca sametya lalantu bāndhavvaste

इत्यार्षे श्रीमद्रामायणे आदिकाव्ये सुन्दरकाण्डे विम्षः सर्गः

ityārṣe śrīmadrāmāyaṇe ādikāvye sundarakāṇḍe vimṣaḥ sargaḥ