गते पुरोहिते रामः स्नातो नियतमानसः
सह पत्न्या विशालाक्ष्या नारायणमुपागमत्

gate purohite rāmaḥ snāto niyatamānasaḥ
saha patnyā viśālākṣyā nārāyaṇamupāgamat

प्रगृह्य शिरसा पात्रं हविषो विधिवत्तदा
महते दैवतायाज्यं जुहाव ज्वलितानले

pragṛhya śirasā pātraṃ haviṣo vidhivattadā
mahate daivatāyājyaṃ juhāva jvalitānale

शेषं च हविषस्तस्य प्राश्याशास्यात्मनः प्रियम्
ध्यायन्नारायणं देवं स्वास्तीर्णे कुशसंस्तरे

śeṣaṃ ca haviṣastasya prāśyāśāsyātmanaḥ priyam
dhyāyannārāyaṇaṃ devaṃ svāstīrṇe kuśasaṃstare

एकयामावशिष्टायां रात्र्यां प्रतिविबुध्य सः
अलञ्कारविधिं कृत्स्नं कारयामास वेश्मनः

ekayāmāvaśiṣṭāyāṃ rātryāṃ prativibudhya saḥ
alañkāravidhiṃ kṛtsnaṃ kārayāmāsa veśmanaḥ

तत्र शृण्वन् सुखा वाचः सूतमागधवन्दिनाम्
पूर्वां सन्ध्यामुपासीनो जजाप यतमानसः

tatra śṛṇvan sukhā vācaḥ sūtamāgadhavandinām
pūrvāṃ sandhyāmupāsīno jajāpa yatamānasaḥ

तुष्टाव प्रणतश्चैव शिरसा मधुसूदनम्
विमलक्षौमसंवीतो वाचयामास च द्विजान्

tuṣṭāva praṇataścaiva śirasā madhusūdanam
vimalakṣaumasaṃvīto vācayāmāsa ca dvijān

तेषां पुण्याहघोषो।अध गम्भीरमधुरस्तदा
अयोध्यां पूरयामास तूर्यघोषानुनादितः

teṣāṃ puṇyāhaghoṣo|adha gambhīramadhurastadā
ayodhyāṃ pūrayāmāsa tūryaghoṣānunāditaḥ

कृतोपवासं तु तदा वैदेह्या सह राघवम्
अयोध्यानिलयः श्रुत्वा सर्वः प्रमुदितो जनः

kṛtopavāsaṃ tu tadā vaidehyā saha rāghavam
ayodhyānilayaḥ śrutvā sarvaḥ pramudito janaḥ

ततः पौरजनः सर्वः श्रुत्वा रामाभिषेचनम्
प्रभातां रजनीं दृष्ट्वा चक्रे शोभयितुं पुरीम्

tataḥ paurajanaḥ sarvaḥ śrutvā rāmābhiṣecanam
prabhātāṃ rajanīṃ dṛṣṭvā cakre śobhayituṃ purīm

सिताभ्रशिखराभेषु देवतायतनेषु च
ङ्��चतुष्पधेषु रध्यासु चैत्येष्वट्टाल केषु च

sitābhraśikharābheṣu devatāyataneṣu ca
ṅ��catuṣpadheṣu radhyāsu caityeṣvaṭṭāla keṣu ca

नटनर्तकसंघानां गायकानां च गायताम्
मनःकर्णसुखा वाचः शुश्रुवुश्च ततस्ततः

naṭanartakasaṃghānāṃ gāyakānāṃ ca gāyatām
manaḥkarṇasukhā vācaḥ śuśruvuśca tatastataḥ

रामाभिषेकयुक्ताश्च कथाश्चक्रुर्मिथो जनाः
रामाभिषेके संप्रप्ते चत्वरेषु गृहेषु च

rāmābhiṣekayuktāśca kathāścakrurmitho janāḥ
rāmābhiṣeke saṃprapte catvareṣu gṛheṣu ca

बाला अपि क्रीडमाना गृ हद्वारेषु संघशः
रामाभिषवसंयुक्ताश्चक्रुरेवं मिथः कथाः

bālā api krīḍamānā gṛ hadvāreṣu saṃghaśaḥ
rāmābhiṣavasaṃyuktāścakrurevaṃ mithaḥ kathāḥ

कृतपुष्पोपहारश्च धूपगन्धाधिवासितः
राजमार्गः कृतः श्रीमान् पौरै रामाभिषेचने

kṛtapuṣpopahāraśca dhūpagandhādhivāsitaḥ
rājamārgaḥ kṛtaḥ śrīmān paurai rāmābhiṣecane

प्रकाशकरणार्धं च निशागमनशञ्कया
दीपवृक्षां स्तथाचक्रु रनुर्थ्यसु सर्वशः

prakāśakaraṇārdhaṃ ca niśāgamanaśañkayā
dīpavṛkṣāṃ stathācakru ranurthyasu sarvaśaḥ

अलङ्कारं पुरस्त्यवं कृत्वा तत्पुरवासिनः
आकाङ्क्षमाणा रामस्य यौवराज्याभिषेचनम्

alaṅkāraṃ purastyavaṃ kṛtvā tatpuravāsinaḥ
ākāṅkṣamāṇā rāmasya yauvarājyābhiṣecanam

अहोओ महात्मा राजायमिक्ष्वाकुकुलनन्दनः
ज्ञात्वा यो वृद्ध मात्मानं रामं राज्ये।अभिषेक्ष्यति

ahoo mahātmā rājāyamikṣvākukulanandanaḥ
jñātvā yo vṛddha mātmānaṃ rāmaṃ rājye|abhiṣekṣyati

सर्वे।अप्यनुगृहीताः स्म यन्नो रामो महीपतिः
चिराय भविता गोप्ता दृष्टलोकपरावरः

sarve|apyanugṛhītāḥ sma yanno rāmo mahīpatiḥ
cirāya bhavitā goptā dṛṣṭalokaparāvaraḥ

आनुद्धतमना विद्वान् धर्मात्मा भ्रातृवत्सलः
यधा च भ्रातृषु स्निग्धस्तथास्मास्वपि राघवः

ānuddhatamanā vidvān dharmātmā bhrātṛvatsalaḥ
yadhā ca bhrātṛṣu snigdhastathāsmāsvapi rāghavaḥ

चिरं जीवतु धर्मात्मा राजा दशरथो।अनघः
यत्प्रसादेनाभिषिक्तं रामं द्रक्ष्यामहे वयम्

ciraṃ jīvatu dharmātmā rājā daśaratho|anaghaḥ
yatprasādenābhiṣiktaṃ rāmaṃ drakṣyāmahe vayam

एवंविधं कथयतां पौराणां शुश्रुवुस्तदा
दिग्भ्यो।अपि श्रुतवृत्तान्ताः प्राप्ताजानपदा नराः

evaṃvidhaṃ kathayatāṃ paurāṇāṃ śuśruvustadā
digbhyo|api śrutavṛttāntāḥ prāptājānapadā narāḥ

ते तु दिग्भ्यः पुरीं प्राप्ता द्रष्टुं रामाभिषेचनम्
रामस्य पूरयामासुः पुरीं जानपदा जनाः

te tu digbhyaḥ purīṃ prāptā draṣṭuṃ rāmābhiṣecanam
rāmasya pūrayāmāsuḥ purīṃ jānapadā janāḥ

जनौघै स्तैर्विसर्पद्भिः शुश्रुवे तत्र निस्वनः
पर्वसूदीर्णवेगस्य सागरस्येव निस्वनः

janaughai stairvisarpadbhiḥ śuśruve tatra nisvanaḥ
parvasūdīrṇavegasya sāgarasyeva nisvanaḥ