एवम् उक्ता तु वैदेही प्रिय अर्हा प्रिय वादिनी
प्रणयात् एव सम्क्रुद्धा भर्तारम् इदम् अब्रवीत्

evam uktā tu vaidehī priya arhā priya vādinī
praṇayāt eva samkruddhā bhartāram idam abravīt

किमिदम् भाषसे राम वाक्यम् लघुतया ध्रुवम्
त्वया यदपहास्यम् मे श्रुत्वा नरवरात्मज

kimidam bhāṣase rāma vākyam laghutayā dhruvam
tvayā yadapahāsyam me śrutvā naravarātmaja

आर्य पुत्र पिता माता भ्राता पुत्रः तथा स्नुषा
स्वानि पुण्यानि भुन्जानाः स्वम् स्वम् भाग्यम् उपासते

ārya putra pitā mātā bhrātā putraḥ tathā snuṣā
svāni puṇyāni bhunjānāḥ svam svam bhāgyam upāsate

भर्तुर् भाग्यम् तु भार्या एका प्राप्नोति पुरुष ऋषभ
अतः चैव अहम् आदिष्टा वने वस्तव्यम् इति अपि

bhartur bhāgyam tu bhāryā ekā prāpnoti puruṣa ṛṣabha
ataḥ caiva aham ādiṣṭā vane vastavyam iti api

न पिता न आत्मजो न आत्मा न माता न सखी जनः
इह प्रेत्य च नारीणाम् पतिर् एको गतिः सदा

na pitā na ātmajo na ātmā na mātā na sakhī janaḥ
iha pretya ca nārīṇām patir eko gatiḥ sadā

यदि त्वम् प्रस्थितः दुर्गम् वनम् अद्य एव राघव
अग्रतः ते गमिष्यामि मृद्नन्ती कुश कण्टकान्

yadi tvam prasthitaḥ durgam vanam adya eva rāghava
agrataḥ te gamiṣyāmi mṛdnantī kuśa kaṇṭakān

ईर्ष्या रोषौ बहिष् कृत्य भुक्त शेषम् इव उदकम्
नय माम् वीर विश्रब्धः पापम् मयि न विद्यते

īrṣyā roṣau bahiṣ kṛtya bhukta śeṣam iva udakam
naya mām vīra viśrabdhaḥ pāpam mayi na vidyate

प्रासाद अग्रैः विमानैः वा वैहायस गतेन वा
सर्व अवस्था गता भर्तुः पादच् चाया विशिष्यते

prāsāda agraiḥ vimānaiḥ vā vaihāyasa gatena vā
sarva avasthā gatā bhartuḥ pādac cāyā viśiṣyate

अनुशिष्टा अस्मि मात्रा च पित्रा च विविध आश्रयम्
न अस्मि सम्प्रति वक्तव्या वर्तितव्यम् यथा मया

anuśiṣṭā asmi mātrā ca pitrā ca vividha āśrayam
na asmi samprati vaktavyā vartitavyam yathā mayā

अहम् दुर्गम् गमिष्यामि वनम् पुरुषवर्जितम्
नानामृगगणाकीर्णम् शार्दूलवृकसेवितम्

aham durgam gamiṣyāmi vanam puruṣavarjitam
nānāmṛgagaṇākīrṇam śārdūlavṛkasevitam

सुखम् वने निवत्स्यामि यथा एव भवने पितुः
अचिन्तयन्ती त्रीम्ल् लोकाम्ः चिन्तयन्ती पति व्रतम्

sukham vane nivatsyāmi yathā eva bhavane pituḥ
acintayantī trīml lokāmḥ cintayantī pati vratam

शुश्रूषमाणा ते नित्यम् नियता ब्रह्म चारिणी
सह रंस्ये त्वया वीर वनेषु मधु गन्धिषु

śuśrūṣamāṇā te nityam niyatā brahma cāriṇī
saha raṃsye tvayā vīra vaneṣu madhu gandhiṣu

त्वम् हि कर्तुम् वने शक्तः राम सम्परिपालनम्
अन्यस्य पै जनस्य इह किम् पुनर् मम मानद

tvam hi kartum vane śaktaḥ rāma samparipālanam
anyasya pai janasya iha kim punar mama mānada

सह त्वया गमिश्यामि वसमद्य न संशयः
नाहम् शक्या महाभाग निवर्तयितु मुद्यता

saha tvayā gamiśyāmi vasamadya na saṃśayaḥ
nāham śakyā mahābhāga nivartayitu mudyatā

फल मूल अशना नित्यम् भविष्यामि न संशयः
न ते दुह्खम् करिष्यामि निवसन्ती सह त्वया

phala mūla aśanā nityam bhaviṣyāmi na saṃśayaḥ
na te duhkham kariṣyāmi nivasantī saha tvayā

इच्चामि सरितः शैलान् पल्वलानि वनानि च
द्रष्टुम् सर्वत्र निर्भीता त्वया नाथेन धीमता

iccāmi saritaḥ śailān palvalāni vanāni ca
draṣṭum sarvatra nirbhītā tvayā nāthena dhīmatā

हंस कारण्डव आकीर्णाः पद्मिनीः साधु पुष्पिताः
इच्चेयम् सुखिनी द्रष्टुम् त्वया वीरेण सम्गता

haṃsa kāraṇḍava ākīrṇāḥ padminīḥ sādhu puṣpitāḥ
icceyam sukhinī draṣṭum tvayā vīreṇa samgatā

अभिषेकम् करिष्यामि तासु नित्यम् यतव्रता
सह त्वया विशाल अक्ष रंस्ये परम नन्दिनी

abhiṣekam kariṣyāmi tāsu nityam yatavratā
saha tvayā viśāla akṣa raṃsye parama nandinī

एवम् वर्ष सहस्राणाम् शतम् वा अहम् त्वया सह
व्यतिक्रमम् न वेत्स्यामि स्वर्गो।अपि हि न मे मतः

evam varṣa sahasrāṇām śatam vā aham tvayā saha
vyatikramam na vetsyāmi svargo|api hi na me mataḥ

स्वर्गे अपि च विना वासो भविता यदि राघव
त्वया मम नर व्याघ्र न अहम् तम् अपि रोचये

svarge api ca vinā vāso bhavitā yadi rāghava
tvayā mama nara vyāghra na aham tam api rocaye

अहम् गमिष्यामि वनम् सुदुर्गमम्
मृग आयुतम् वानर वारणैः युतम्
वने निवत्स्यामि यथा पितुर् गृहे
तव एव पादाव् उपगृह्य सम्मता

aham gamiṣyāmi vanam sudurgamam
mṛga āyutam vānara vāraṇaiḥ yutam
vane nivatsyāmi yathā pitur gṛhe
tava eva pādāv upagṛhya sammatā

अनन्य भावाम् अनुरक्त चेतसम्
त्वया वियुक्ताम् मरणाय निश्चिताम्
नयस्व माम् साधु कुरुष्व याचनाम्
न ते मया अतः गुरुता भविष्यति

ananya bhāvām anurakta cetasam
tvayā viyuktām maraṇāya niścitām
nayasva mām sādhu kuruṣva yācanām
na te mayā ataḥ gurutā bhaviṣyati