शिरस्यञ्जलिमादाय कैकेयीनन्दिवर्धनः
बभाषे भरतो ज्येष्ठन् रामं सत्यपराक्रमम्

śirasyañjalimādāya kaikeyīnandivardhanaḥ
babhāṣe bharato jyeṣṭhan rāmaṃ satyaparākramam

पूजिता मामिका माता दत्तन् राज्यमिदं मम
तद्ददामि पुनस्तुभ्यन् यथा त्वमददा मम

pūjitā māmikā mātā dattan rājyamidaṃ mama
taddadāmi punastubhyan yathā tvamadadā mama

धुरमेकाकिना न्यस्तामृषभेण बलीयसा
किशोरवद्गुरुं भारं न वोढुमहमुत्सहे

dhuramekākinā nyastāmṛṣabheṇa balīyasā
kiśoravadguruṃ bhāraṃ na voḍhumahamutsahe

वारिवेगेन महता भिन्नः सेतुरिव क्षरन्
दुर्बन्धनमिदं मन्ये राज्यच्छिद्रमसन्वृतम्

vārivegena mahatā bhinnaḥ seturiva kṣaran
durbandhanamidaṃ manye rājyacchidramasanvṛtam

गतिं खर इवाश्वस्य हन्सस्येव च वायसः
नान्वेतुमुत्सहे देव तव मार्गमरिन्दम

gatiṃ khara ivāśvasya hansasyeva ca vāyasaḥ
nānvetumutsahe deva tava mārgamarindama

यथा च रोपितो वृक्षो जातश्चान्तर्निवेशने
महांश्च सुदुरारोहो महास्कन्धः प्रशाखवान्

yathā ca ropito vṛkṣo jātaścāntarniveśane
mahāṃśca sudurāroho mahāskandhaḥ praśākhavān

जगदद्याभिषिक्तन् त्वामनुपश्यतु सर्वतः
प्रतपन्तमिवादित्यं मध्याह्ने दीप्ततेजसं

jagadadyābhiṣiktan tvāmanupaśyatu sarvataḥ
pratapantamivādityaṃ madhyāhne dīptatejasaṃ

तूर्यसङ्घातनिर्घोषैः काञ्चीनूपुरनिस्वनैः
मधुरैर्गीतशब्दैश्च प्रतिबुध्यस्व शेष्व च

tūryasaṅghātanirghoṣaiḥ kāñcīnūpuranisvanaiḥ
madhurairgītaśabdaiśca pratibudhyasva śeṣva ca

यावदावर्तते चक्रन् यावती च वसुन्धरा
तावत्त्वमिह सर्वस्य स्वामित्वमभिवर्तय

yāvadāvartate cakran yāvatī ca vasundharā
tāvattvamiha sarvasya svāmitvamabhivartaya

भरतस्य वचः श्रुत्वा रामः परपुरञ्जयः
तथेति प्रतिजग्राह निषसादासने शुभे

bharatasya vacaḥ śrutvā rāmaḥ parapurañjayaḥ
tatheti pratijagrāha niṣasādāsane śubhe

ततः शत्रुघ्नवचनान्निपुणाः श्मश्रुवर्धकाः
सुखहस्ताः सुशीघ्राश्च राघवं पर्युपासत

tataḥ śatrughnavacanānnipuṇāḥ śmaśruvardhakāḥ
sukhahastāḥ suśīghrāśca rāghavaṃ paryupāsata

पूर्वन् तु भरते स्नाते लक्ष्मणे च महाबले
सुग्रीवे वानरेन्द्रे च राक्षसेन्द्रे विभीषणे

pūrvan tu bharate snāte lakṣmaṇe ca mahābale
sugrīve vānarendre ca rākṣasendre vibhīṣaṇe

प्रतिकर्म च रामस्य कारयामास वीर्यवान्
लक्ष्मणस्य च लक्ष्मीवानिक्ष्वाकुकुलवर्धनः

pratikarma ca rāmasya kārayāmāsa vīryavān
lakṣmaṇasya ca lakṣmīvānikṣvākukulavardhanaḥ

प्रतिकर्म च सीतायाः सर्वा दशरथस्त्रियः
आत्मनैव तदा चक्रुर्मनस्विन्यो मनोहरम्

pratikarma ca sītāyāḥ sarvā daśarathastriyaḥ
ātmanaiva tadā cakrurmanasvinyo manoharam

ततो राघवपत्नीनान् सर्वासामेव शोभनम्
चकार यत्नात्कौसल्या प्रहृष्टा पुत्रवत्सला

tato rāghavapatnīnān sarvāsāmeva śobhanam
cakāra yatnātkausalyā prahṛṣṭā putravatsalā

ततः शत्रुघ्नवचनात्सुमन्त्रो नाम सारथिः
योजयित्वाभिचक्राम रथन् सर्वाङ्गशोभनम्

tataḥ śatrughnavacanātsumantro nāma sārathiḥ
yojayitvābhicakrāma rathan sarvāṅgaśobhanam

अर्कमण्डलसङ्काशन् दिव्यं दृष्ट्वा रथन् स्थितम्
आरुरोह महाबाहू रामः सत्यपराक्रमः

arkamaṇḍalasaṅkāśan divyaṃ dṛṣṭvā rathan sthitam
āruroha mahābāhū rāmaḥ satyaparākramaḥ

सुग्रीवो हनुमांश्चैव महेन्द्रसदृशद्युती
स्नातौ दिव्यनिभैर्वस्त्रैर्जग्मतुः शुभकुण्डलौ

sugrīvo hanumāṃścaiva mahendrasadṛśadyutī
snātau divyanibhairvastrairjagmatuḥ śubhakuṇḍalau

सर्वाभरणजुष्टाश्च ययुस्ताः शुभकुण्डलाः
सुग्रीवपत्न्याः सीता च द्रष्टुं नगरमुत्सुकाः

sarvābharaṇajuṣṭāśca yayustāḥ śubhakuṇḍalāḥ
sugrīvapatnyāḥ sītā ca draṣṭuṃ nagaramutsukāḥ

अयोध्यायान् तु सचिवा राज्ञो दशरथस्य च
पुरोहितं पुरस्कृत्य मन्त्रयामासुरर्थवत्

ayodhyāyān tu sacivā rājño daśarathasya ca
purohitaṃ puraskṛtya mantrayāmāsurarthavat

अशोको विजयश्चैव सिद्धार्थश्च समाहिताः
मन्त्रयन्रामवृद्ध्यर्थन् वृत्त्यर्थं नगरस्य च

aśoko vijayaścaiva siddhārthaśca samāhitāḥ
mantrayanrāmavṛddhyarthan vṛttyarthaṃ nagarasya ca

सर्वमेवाभिषेकार्थन् जयार्हस्य महात्मनः
कर्तुमर्हथ रामस्य यद्यन्मङ्गलपूर्वकम्

sarvamevābhiṣekārthan jayārhasya mahātmanaḥ
kartumarhatha rāmasya yadyanmaṅgalapūrvakam

इति ते मन्त्रिणः सर्वे सन्दिश्य तु पुरोहितम्
नगरान्निर्ययुस्तूर्णन् रामदर्शनबुद्धयः

iti te mantriṇaḥ sarve sandiśya tu purohitam
nagarānniryayustūrṇan rāmadarśanabuddhayaḥ

हरियुक्तन् सहस्राक्षो रथमिन्द्र इवानघः
प्रययौ रथमास्थाय रामो नगरमुत्तमम्

hariyuktan sahasrākṣo rathamindra ivānaghaḥ
prayayau rathamāsthāya rāmo nagaramuttamam

जग्राह भरतो रश्मीञ्शत्रुघ्नश्छत्रमाददे
लक्ष्मणो व्यजनन् तस्य मूर्ध्नि सम्पर्यवीजयत्

jagrāha bharato raśmīñśatrughnaśchatramādade
lakṣmaṇo vyajanan tasya mūrdhni samparyavījayat

ऋषिसङ्घैर्तदाकाशे देवैश्च समरुद्गणैः
स्तूयमानस्य रामस्य शुश्रुवे मधुरध्वनिः

ṛṣisaṅghairtadākāśe devaiśca samarudgaṇaiḥ
stūyamānasya rāmasya śuśruve madhuradhvaniḥ

ततः शत्रुञ्जयं नाम कुञ्जरं पर्वतोपमम्
आरुरोह महातेजाः सुग्रीवो वानरेश्वरः

tataḥ śatruñjayaṃ nāma kuñjaraṃ parvatopamam
āruroha mahātejāḥ sugrīvo vānareśvaraḥ

नवनागसहस्राणि ययुरास्थाय वानराः
मानुषन् विग्रहन् कृत्वा सर्वाभरणभूषिताः

navanāgasahasrāṇi yayurāsthāya vānarāḥ
mānuṣan vigrahan kṛtvā sarvābharaṇabhūṣitāḥ

शङ्खशब्दप्रणादैश्च दुन्दुभीनान् च निस्वनैः
प्रययू पुरुषव्याघ्रस्तां पुरीन् हर्म्यमालिनीम्

śaṅkhaśabdapraṇādaiśca dundubhīnān ca nisvanaiḥ
prayayū puruṣavyāghrastāṃ purīn harmyamālinīm

ददृशुस्ते समायान्तन् राघवं सपुरःसरम्
विराजमानन् वपुषा रथेनातिरथन् तदा

dadṛśuste samāyāntan rāghavaṃ sapuraḥsaram
virājamānan vapuṣā rathenātirathan tadā

ते वर्धयित्वा काकुत्स्थन् रामेण प्रतिनन्दिताः
अनुजग्मुर्महात्मानं भ्रातृभिः परिवारितम्

te vardhayitvā kākutsthan rāmeṇa pratinanditāḥ
anujagmurmahātmānaṃ bhrātṛbhiḥ parivāritam

अमात्यैर्ब्राह्मणैश्चैव तथा प्रकृतिभिर्वृतः
श्रिया विरुरुचे रामो नक्षत्रैरिव चन्द्रमाः

amātyairbrāhmaṇaiścaiva tathā prakṛtibhirvṛtaḥ
śriyā viruruce rāmo nakṣatrairiva candramāḥ

स पुरोगामिभिस्तूर्यैस्तालस्वस्तिकपाणिभिः
प्रव्याहरद्भिर्मुदितैर्मङ्गलानि ययौ वृतः

sa purogāmibhistūryaistālasvastikapāṇibhiḥ
pravyāharadbhirmuditairmaṅgalāni yayau vṛtaḥ

अक्षतन् जातरूपं च गावः कन्यास्तथा द्विजाः
नरा मोदकहस्ताश्च रामस्य पुरतो ययुः

akṣatan jātarūpaṃ ca gāvaḥ kanyāstathā dvijāḥ
narā modakahastāśca rāmasya purato yayuḥ

सख्यन् च रामः सुग्रीवे प्रभावं चानिलात्मजे
वानराणान् च तत्कर्म व्याचचक्षेअथ मन्त्रिणाम्

sakhyan ca rāmaḥ sugrīve prabhāvaṃ cānilātmaje
vānarāṇān ca tatkarma vyācacakṣeatha mantriṇām

श्रुत्वा च विस्मयन् जग्मुरयोध्यापुरवासिनः
वानराणां च तत्कर्म राक्षसानां च तद्बलम्

śrutvā ca vismayan jagmurayodhyāpuravāsinaḥ
vānarāṇāṃ ca tatkarma rākṣasānāṃ ca tadbalam

विभीषणस्य संयोगमाचचक्षे।अथ मन्त्रिणाम्
द्युतिमानेतदाख्याय रामो वानरसन्वृतः

vibhīṣaṇasya saṃyogamācacakṣe|atha mantriṇām
dyutimānetadākhyāya rāmo vānarasanvṛtaḥ

ततो ह्यभ्युच्छ्रयन्पौराः पताकास्ते गृहे गृहे

tato hyabhyucchrayanpaurāḥ patākāste gṛhe gṛhe

अथाब्रवीद्राजपुत्रो भरतं धर्मिणां वरम्

athābravīdrājaputro bharataṃ dharmiṇāṃ varam

तच्च मद्भवनन् श्रेष्ठं साशोकवनिकं महत्

tacca madbhavanan śreṣṭhaṃ sāśokavanikaṃ mahat

तस्य तद्वचनन् श्रुत्वा भरतः सत्यविक्रमः

tasya tadvacanan śrutvā bharataḥ satyavikramaḥ

ततस्तैलप्रदीपांश्च पर्यङ्कास्तरणानि च

tatastailapradīpāṃśca paryaṅkāstaraṇāni ca

उवाच च महातेजाः सुग्रीवन् राघवानुजः

uvāca ca mahātejāḥ sugrīvan rāghavānujaḥ

सौवर्णान्वानरेन्द्राणान् चतुर्णां चतुरो घटान्

sauvarṇānvānarendrāṇān caturṇāṃ caturo ghaṭān

यथा प्रत्यूषसमये चतुर्णान् सागराम्भसाम्

yathā pratyūṣasamaye caturṇān sāgarāmbhasām

एवमुक्ता महात्मानो वानरा वारणोपमाः

evamuktā mahātmāno vānarā vāraṇopamāḥ

जाम्बवांश्च हनूमांश्च वेगदर्शी च वानरः

jāmbavāṃśca hanūmāṃśca vegadarśī ca vānaraḥ

पूर्वात्समुद्रात्कलशन् जलपूर्णमथानयत्
सुषेणः सत्त्वसम्पन्नः सर्वरत्नविभूषितम्

pūrvātsamudrātkalaśan jalapūrṇamathānayat
suṣeṇaḥ sattvasampannaḥ sarvaratnavibhūṣitam

ऋषभो दक्षिणात्तूर्णन् समुद्राज्जलमाहरत्
रक्तचन्दनकर्पूरैः सन्वृतन् काञ्चनं घटम्

ṛṣabho dakṣiṇāttūrṇan samudrājjalamāharat
raktacandanakarpūraiḥ sanvṛtan kāñcanaṃ ghaṭam

गवयः पश्चिमात्तोयमाजहार महार्णवात्
रत्नकुम्भेन महता शीतं मारुतविक्रमः

gavayaḥ paścimāttoyamājahāra mahārṇavāt
ratnakumbhena mahatā śītaṃ mārutavikramaḥ

उत्तराच्च जलन् शीघ्रन् गरुडानिलविक्रमः
आजहार स धर्मात्मा नलः सर्वगुणान्वितः

uttarācca jalan śīghran garuḍānilavikramaḥ
ājahāra sa dharmātmā nalaḥ sarvaguṇānvitaḥ

ततसैर्वानरश्रेष्ठैरानीतं प्रेक्ष्य तज्जलम्
अभिषेकाय रामस्य शत्रुघ्नः सचिवैः सह

tatasairvānaraśreṣṭhairānītaṃ prekṣya tajjalam
abhiṣekāya rāmasya śatrughnaḥ sacivaiḥ saha

ततः स प्रयतो वृद्धो वसिष्ठो ब्राह्मणैः सह

tataḥ sa prayato vṛddho vasiṣṭho brāhmaṇaiḥ saha

वसिष्ठो वामदेवश्च जाबालिरथ काश्यपः

vasiṣṭho vāmadevaśca jābāliratha kāśyapaḥ

ऋत्विग्भिर्ब्राह्मणैः पूर्वन् कन्याभिर्मन्त्रिभिस्तथा

ṛtvigbhirbrāhmaṇaiḥ pūrvan kanyābhirmantribhistathā

ब्रह्मणा निर्मितं पूर्वं किरीटं रत्नशोभितम्

brahmaṇā nirmitaṃ pūrvaṃ kirīṭaṃ ratnaśobhitam

छत्रं तस्य च जग्राह शत्रुघ्नः पाण्डुरन् शुभम्

chatraṃ tasya ca jagrāha śatrughnaḥ pāṇḍuran śubham

मालान् ज्वलन्तीन् वपुषा काञ्चनीं शतपुष्कराम्
राघवाय ददौ वायुर्वासवेन प्रचोदितः

mālān jvalantīn vapuṣā kāñcanīṃ śatapuṣkarām
rāghavāya dadau vāyurvāsavena pracoditaḥ

सर्वरत्नसमायुक्तं मणिरत्नविभूषितम्
मुक्ताहारं नरेन्द्राय ददौ शक्रप्रचोदितः

sarvaratnasamāyuktaṃ maṇiratnavibhūṣitam
muktāhāraṃ narendrāya dadau śakrapracoditaḥ

प्रजगुर्देवगन्धर्वा ननृतुश्चाप्सरो गणाः
अभिषेके तदर्हस्य तदा रामस्य धीमतः

prajagurdevagandharvā nanṛtuścāpsaro gaṇāḥ
abhiṣeke tadarhasya tadā rāmasya dhīmataḥ

भूमिः सस्यवती चैव फलवन्तश्च पादपाः
गन्धवन्ति च पुष्पाणि बभूवू राघवोत्सवे

bhūmiḥ sasyavatī caiva phalavantaśca pādapāḥ
gandhavanti ca puṣpāṇi babhūvū rāghavotsave

सहस्रशतमश्वानान् धेनूनां च गवां तथा
ददौ शतन् वृषान्पूर्वन् द्विजेभ्यो मनुजर्षभः

sahasraśatamaśvānān dhenūnāṃ ca gavāṃ tathā
dadau śatan vṛṣānpūrvan dvijebhyo manujarṣabhaḥ

त्रिंशत्कोटीर्हिरण्यस्य ब्राह्मणेभ्यो ददौ पुनः
नानाभरणवस्त्राणि महार्हाणि च राघवः

triṃśatkoṭīrhiraṇyasya brāhmaṇebhyo dadau punaḥ
nānābharaṇavastrāṇi mahārhāṇi ca rāghavaḥ

अर्करश्मिप्रतीकाशान् काञ्चनीं मणिविग्रहाम्
सुग्रीवाय स्रजन् दिव्यां प्रायच्छन्मनुजर्षभः

arkaraśmipratīkāśān kāñcanīṃ maṇivigrahām
sugrīvāya srajan divyāṃ prāyacchanmanujarṣabhaḥ

वैदूर्यमणिचित्रे च वज्ररत्नविभूषिते
वालिपुत्राय धृतिमानङ्गदायाङ्गदे ददौ

vaidūryamaṇicitre ca vajraratnavibhūṣite
vāliputrāya dhṛtimānaṅgadāyāṅgade dadau

मणिप्रवरजुष्टन् च मुक्ताहारमनुत्तमम्
सीतायै प्रददौ रामश्चन्द्ररश्मिसमप्रभम्

maṇipravarajuṣṭan ca muktāhāramanuttamam
sītāyai pradadau rāmaścandraraśmisamaprabham

अवेक्षमाणा वैदेही प्रददौ वायुसूनवे

avekṣamāṇā vaidehī pradadau vāyusūnave

तामिङ्गितज्ञः सम्प्रेक्ष्य बभाषे जनकात्मजाम्
प्रदेहि सुभगे हारन् यस्य तुष्टासि भामिनि

tāmiṅgitajñaḥ samprekṣya babhāṣe janakātmajām
pradehi subhage hāran yasya tuṣṭāsi bhāmini

ददौ सा वायुपुत्राय तन् हारमसितेक्षणा
हनूमान्स्तेन हारेण शुशुभे वानरर्षभः

dadau sā vāyuputrāya tan hāramasitekṣaṇā
hanūmānstena hāreṇa śuśubhe vānararṣabhaḥ

सर्वे वानरवृद्धाश्च ये चान्ये वानरोत्तमाः

sarve vānaravṛddhāśca ye cānye vānarottamāḥ

ततो द्विविद मैन्दाभ्यां नीलाय च परन्तपः

tato dvivida maindābhyāṃ nīlāya ca parantapaḥ

विभीषणो।अथ सुग्रीवो हनुमान् जाम्बवांस्तथा

vibhīṣaṇo|atha sugrīvo hanumān jāmbavāṃstathā

नत्वा सर्वे महात्मानस्ततस्ते वानरर्षभाः

natvā sarve mahātmānastataste vānararṣabhāḥ

सुग्रीवो वानरश्रेष्ठो दृष्ट्वा रामाभिषेचनम्

sugrīvo vānaraśreṣṭho dṛṣṭvā rāmābhiṣecanam

विभीषणो।अपि ध्र्मात्मा सह रैर्नैरृतर्षभैः

vibhīṣaṇo|api dhrmātmā saha rairnairṛtarṣabhaiḥ

स राज्यमखिलं शासन्निहतारिर्महायशाः

sa rājyamakhilaṃ śāsannihatārirmahāyaśāḥ

आतिष्ठ धर्मज्ञ मया सहेमां
गां पूर्वराजाध्युषितां बलेन
तुल्यं मया त्वं पितृभिर्धृता या
तां यौवराज्ये धुरमुद्वहस्व

ātiṣṭha dharmajña mayā sahemāṃ
gāṃ pūrvarājādhyuṣitāṃ balena
tulyaṃ mayā tvaṃ pitṛbhirdhṛtā yā
tāṃ yauvarājye dhuramudvahasva

सर्वात्मना पर्यनुनीयमानो
यदा न सौमित्रिरुपैति योगम्
नियुज्यमानो।अ पि च यावराज्ये
ततो।अभ्यषिञ्चद्भरतं महात्मा

sarvātmanā paryanunīyamāno
yadā na saumitrirupaiti yogam
niyujyamāno|a pi ca yāvarājye
tato|abhyaṣiñcadbharataṃ mahātmā

पौण्डरीकाश्वमेधाभ्यान् वाजपेयेन चासकृत्
अन्यैश्च विविधैर्यज्ञैरयजत्पार्थिवर्षभः

pauṇḍarīkāśvamedhābhyān vājapeyena cāsakṛt
anyaiśca vividhairyajñairayajatpārthivarṣabhaḥ

राज्यन् दशसहस्राणि प्राप्य वर्षाणि राघवः
शताश्वमेधानाजह्रे सदश्वान्भूरिदक्षिणान्

rājyan daśasahasrāṇi prāpya varṣāṇi rāghavaḥ
śatāśvamedhānājahre sadaśvānbhūridakṣiṇān

आजानुलम्बिबाहुश्च महास्कन्धः प्रतापवान्
लक्ष्मणानुचरो रामः पृथिवीमन्वपालयत्

ājānulambibāhuśca mahāskandhaḥ pratāpavān
lakṣmaṇānucaro rāmaḥ pṛthivīmanvapālayat

राघवश्चापि धर्मात्मा प्राप्य राज्यमनुत्तमम्
ईजे बहुविधैर्यज्ञैः ससुतभ्रातृबान्धवः

rāghavaścāpi dharmātmā prāpya rājyamanuttamam
īje bahuvidhairyajñaiḥ sasutabhrātṛbāndhavaḥ

न पर्यदेवन्विधवा न च व्यालकृतं भयम्
न व्याधिजं भयन् वापि रामे राज्यं प्रशासति

na paryadevanvidhavā na ca vyālakṛtaṃ bhayam
na vyādhijaṃ bhayan vāpi rāme rājyaṃ praśāsati

निर्दस्युरभवल्लोको नानर्थः कन् चिदस्पृशत्
न च स्म वृद्धा बालानां प्रेतकार्याणि कुर्वते

nirdasyurabhavalloko nānarthaḥ kan cidaspṛśat
na ca sma vṛddhā bālānāṃ pretakāryāṇi kurvate

सर्वं मुदितमेवासीत्सर्वो धर्मपरोअभवत्
राममेवानुपश्यन्तो नाभ्यहिन्सन्परस्परम्

sarvaṃ muditamevāsītsarvo dharmaparoabhavat
rāmamevānupaśyanto nābhyahinsanparasparam

आसन्वर्षसहस्राणि तथा पुत्रसहस्रिणः
निरामया विशोकाश्च रामे राज्यं प्रशासति

āsanvarṣasahasrāṇi tathā putrasahasriṇaḥ
nirāmayā viśokāśca rāme rājyaṃ praśāsati

रामो रामो राम इति प्रजानामभवन् कथाः
रामभूतं जगाभूद्रामे राज्यं प्रशासति

rāmo rāmo rāma iti prajānāmabhavan kathāḥ
rāmabhūtaṃ jagābhūdrāme rājyaṃ praśāsati

नित्यपुष्पा नित्यफलास्तरवः स्कन्धविस्तृताः
कालवर्षी च पर्जन्यः सुखस्पर्शश्च मारुतः

nityapuṣpā nityaphalāstaravaḥ skandhavistṛtāḥ
kālavarṣī ca parjanyaḥ sukhasparśaśca mārutaḥ

ब्राह्मणाः क्षत्रिया वैश्याः शूद्रा लोभविवर्जिताः
स्वकर्मसु प्रवर्तन्ते तुष्ठाः स्वैरेव कर्मभिः

brāhmaṇāḥ kṣatriyā vaiśyāḥ śūdrā lobhavivarjitāḥ
svakarmasu pravartante tuṣṭhāḥ svaireva karmabhiḥ

सर्वे लक्षणसम्पन्नाः सर्वे धर्मपरायणाः

sarve lakṣaṇasampannāḥ sarve dharmaparāyaṇāḥ

धर्मयं यशस्यमायुष्यं राज्ञां च विजाअवहम्

dharmayaṃ yaśasyamāyuṣyaṃ rājñāṃ ca vijāavaham

पुत्रकामश्च पुत्रान्वै धनकामो धनानि च
लभते मनुजो लोके श्रुत्वा रामाभिषेचनम्

putrakāmaśca putrānvai dhanakāmo dhanāni ca
labhate manujo loke śrutvā rāmābhiṣecanam

राघवेण यथा माता सुमित्रा लक्ष्मणेन च

rāghaveṇa yathā mātā sumitrā lakṣmaṇena ca

श्रुत्वा रामायणमिदं दीर्घमायिश्च विन्दति
रामस्य विजयं चैव सर्वमक्लिष्ठकर्मणः

śrutvā rāmāyaṇamidaṃ dīrghamāyiśca vindati
rāmasya vijayaṃ caiva sarvamakliṣṭhakarmaṇaḥ

शृणोति य इत्दं काव्यं पुरा वाल्मीकिना कृतम्
श्रद्दधानो जितक्रोधो दुर्गाण्यतितरत्यसौ

śṛṇoti ya itdaṃ kāvyaṃ purā vālmīkinā kṛtam
śraddadhāno jitakrodho durgāṇyatitaratyasau

समागम्य प्रवासान्ते रमन्ते सह बान्धवैः
शृण्वन्ति य इदं काव्यं पुरा वाल्मीकिना कृतम्

samāgamya pravāsānte ramante saha bāndhavaiḥ
śṛṇvanti ya idaṃ kāvyaṃ purā vālmīkinā kṛtam

ते प्रार्थितान् वरान् सर्वान् प्राप्नुवन्तीह राघवात्
श्रवणेन सुराः सर्वे प्रीयन्ते संप्रशृण्वताम्

te prārthitān varān sarvān prāpnuvantīha rāghavāt
śravaṇena surāḥ sarve prīyante saṃpraśṛṇvatām

विनायकाश्च शाम्यन्ति गृहे तिष्ठन्ति यस्य वै
विजयेत महीं राजा प्रवासि स्वस्तिमान् भवेत्

vināyakāśca śāmyanti gṛhe tiṣṭhanti yasya vai
vijayeta mahīṃ rājā pravāsi svastimān bhavet

स्त्रियो रजस्वलाः श्रुत्वा पुत्रान् सूयुरनुत्तमान्
पूजयंश्च पठंश्चनमितिहासं पुरातनम्

striyo rajasvalāḥ śrutvā putrān sūyuranuttamān
pūjayaṃśca paṭhaṃścanamitihāsaṃ purātanam

प्रणम्य शिरसा नित्यं श्रोतव्यं क्षत्रियैर्द्विजात्

praṇamya śirasā nityaṃ śrotavyaṃ kṣatriyairdvijāt

प्रीयते सततं रामः सहि मिष्णुः सनातनः
आदिदेवो महाबाहुर्हरिर्नारायणः प्रभुः

prīyate satataṃ rāmaḥ sahi miṣṇuḥ sanātanaḥ
ādidevo mahābāhurharirnārāyaṇaḥ prabhuḥ

एवमेतत्पुरावृत्तमाख्यानं भद्रमस्तु वः

evametatpurāvṛttamākhyānaṃ bhadramastu vaḥ

देवाश्च सर्वे तुष्यन्ति ग्रहणाच्छ्रवणात्तथा

devāśca sarve tuṣyanti grahaṇācchravaṇāttathā

भक्त्या रामस्य ये चेमां संहितामृषिणा कृताम्

bhaktyā rāmasya ye cemāṃ saṃhitāmṛṣiṇā kṛtām

कुटुम्बवृद्धिं धनधान्यवृद्धिं
स्त्रियश्च मुख्याह् सुखमुत्तमं च
श्रुत्वा शुभं काव्यमिदं महार्थं
प्राप्नोति सर्वां भुवि चार्थसिद्धिम्

kuṭumbavṛddhiṃ dhanadhānyavṛddhiṃ
striyaśca mukhyāh sukhamuttamaṃ ca
śrutvā śubhaṃ kāvyamidaṃ mahārthaṃ
prāpnoti sarvāṃ bhuvi cārthasiddhim

इत्यार्षे श्रीमद्रामायणे आदिकाव्ये युद्धकाण्डे अष्टाविंशत्यधिक शततमः सर्गः

ityārṣe śrīmadrāmāyaṇe ādikāvye yuddhakāṇḍe aṣṭāviṃśatyadhika śatatamaḥ sargaḥ