अनुज्ञातन् तु रामेण तद्विमानमनुत्तमम्
उत्पपात महामेघः श्वसनेनोद्धतो यथा

anujñātan tu rāmeṇa tadvimānamanuttamam
utpapāta mahāmeghaḥ śvasanenoddhato yathā

पातयित्वा ततश्चक्षुः सर्वतो रघुनन्दनः
अब्रवीन्मैथिलीन् सीतां रामः शशिनिभाननाम्

pātayitvā tataścakṣuḥ sarvato raghunandanaḥ
abravīnmaithilīn sītāṃ rāmaḥ śaśinibhānanām

कैलासशिखराकारे त्रिकूटशिखरे स्थिताम्
लङ्कामीक्षस्व वैदेहि निर्मितान् विश्वकर्मणा

kailāsaśikharākāre trikūṭaśikhare sthitām
laṅkāmīkṣasva vaidehi nirmitān viśvakarmaṇā

एतदायोधनं पश्य मान्सशोणितकर्दमम्
हरीणान् राक्षसानान् च सीते विशसनं महत्

etadāyodhanaṃ paśya mānsaśoṇitakardamam
harīṇān rākṣasānān ca sīte viśasanaṃ mahat

अत्र दत्तवरः शेते प्रमाथी राक्षसेश्वरः
तव हेतोर्विशालाक्षि रावणो निहतो मया

atra dattavaraḥ śete pramāthī rākṣaseśvaraḥ
tava hetorviśālākṣi rāvaṇo nihato mayā

कुम्भकर्णोअत्र निहतः प्रहस्तश्च निशाचरः
धूम्राक्षश्चात्र निहतो वानरेण हनूमता

kumbhakarṇoatra nihataḥ prahastaśca niśācaraḥ
dhūmrākṣaścātra nihato vānareṇa hanūmatā

विद्युन्माली हतश्चात्र सुषेणेन महात्मना
लक्ष्मणेनेन्द्रजिच्चात्र रावणिर्निहतो रणे

vidyunmālī hataścātra suṣeṇena mahātmanā
lakṣmaṇenendrajiccātra rāvaṇirnihato raṇe

अङ्गदेनात्र निहतो विकटो नाम राक्षसः
विरूपाक्षश्च दुष्प्रेक्ष्यो महापार्श्वमहोदरौ

aṅgadenātra nihato vikaṭo nāma rākṣasaḥ
virūpākṣaśca duṣprekṣyo mahāpārśvamahodarau

युद्धोन्मत्तश्च मत्तश्च राक्षसप्रवरावुभौ
निकुम्भश्चैव कुम्भश्च कुम्भकर्णात्मजौ बली

yuddhonmattaśca mattaśca rākṣasapravarāvubhau
nikumbhaścaiva kumbhaśca kumbhakarṇātmajau balī

अकम्पनश्च निहतः शोणिताक्षश्च वीर्यवान्
यूपाक्षश्च प्रजङ्घश्च निहतौ तु म्हाहवे

akampanaśca nihataḥ śoṇitākṣaśca vīryavān
yūpākṣaśca prajaṅghaśca nihatau tu mhāhave

विद्युज्जिह्वो।अत्र निहतो राक्षसो भीमदर्शनः
यज्ञशत्रुश्च निहतः सुप्तघ्नश्च महाबलः

vidyujjihvo|atra nihato rākṣaso bhīmadarśanaḥ
yajñaśatruśca nihataḥ suptaghnaśca mahābalaḥ

अत्र मन्दोदरी नाम भार्या तं पर्यदेवयत्

atra mandodarī nāma bhāryā taṃ paryadevayat

एतत्तु दृश्यते तीर्थन् समुद्रस्य वरानने

etattu dṛśyate tīrthan samudrasya varānane

एष सेतुर्मया बद्धः सागरे सलिलार्णवे

eṣa seturmayā baddhaḥ sāgare salilārṇave

पश्य सागरमक्षोभ्यन् वैदेहि वरुणालयम्

paśya sāgaramakṣobhyan vaidehi varuṇālayam

हिरण्यनाभन् शैलेन्द्रन् काञ्चनं पश्य मैथिलि

hiraṇyanābhan śailendran kāñcanaṃ paśya maithili

एतत् कुक्षौ समुद्रस्य स्कन्धावारनिवेशनम्

etat kukṣau samudrasya skandhāvāraniveśanam

एतत्तु दृश्यते तीर्थं सागरस्य महात्मनः

etattu dṛśyate tīrthaṃ sāgarasya mahātmanaḥ

एषा सा दृश्यते सीते किष्किन्धा चित्रकानना

eṣā sā dṛśyate sīte kiṣkindhā citrakānanā

अथ दृष्ट्वा पुरीं सीता किष्किन्धां वालिपालिताम्

atha dṛṣṭvā purīṃ sītā kiṣkindhāṃ vālipālitām

सुग्रीवप्रियभार्याभिस्ताराप्रमुखातो नृप

sugrīvapriyabhāryābhistārāpramukhāto nṛpa

एवमुक्तो।अथ वैदेह्या राघवः प्रत्युवाच ताम्
एवमस्त्विति किष्किन्धां प्राप्य संस्थाप्य राघवः

evamukto|atha vaidehyā rāghavaḥ pratyuvāca tām
evamastviti kiṣkindhāṃ prāpya saṃsthāpya rāghavaḥ

ब्रूहि वानरशार्दूल सरान् वानरपुङ्गवान्

brūhi vānaraśārdūla sarān vānarapuṅgavān

तथा त्वमपि सर्वाभिः स्त्रीभिः सह महाबल

tathā tvamapi sarvābhiḥ strībhiḥ saha mahābala

एवमुक्तस्तु सुग्रीवो रामेणामिततेजसा

evamuktastu sugrīvo rāmeṇāmitatejasā

प्रिये त्वं सहनारीभिर्वानराणां महात्मनाम्
राघवेणाभ्यनुज्ञाता मैथिलीप्रियकाम्यया

priye tvaṃ sahanārībhirvānarāṇāṃ mahātmanām
rāghaveṇābhyanujñātā maithilīpriyakāmyayā

त्वर त्वमभिगच्छामो गृह्य वानरयोषितः
अयोध्यां दर्शयिष्यामः सर्वा दशरथस्त्रियः

tvara tvamabhigacchāmo gṛhya vānarayoṣitaḥ
ayodhyāṃ darśayiṣyāmaḥ sarvā daśarathastriyaḥ

सुग्रीवस्य वचः श्रुत्वा तारा सर्वाङ्गशोभना
आहूय चाब्रवीत्सर्वा वानराणां तु योषितः

sugrīvasya vacaḥ śrutvā tārā sarvāṅgaśobhanā
āhūya cābravītsarvā vānarāṇāṃ tu yoṣitaḥ

सुग्रीवेणाभ्यनुज्ञाता गन्तुं सर्वैश्च वानरैः
मम चापि प्रियं कार्यमयोध्यादर्शनेन च

sugrīveṇābhyanujñātā gantuṃ sarvaiśca vānaraiḥ
mama cāpi priyaṃ kāryamayodhyādarśanena ca

प्रवेशम् चैव रामस्य पौरजानपदैः सह
विभूतिं चैव सर्वासां स्त्रीणां दशरथस्य च

praveśam caiva rāmasya paurajānapadaiḥ saha
vibhūtiṃ caiva sarvāsāṃ strīṇāṃ daśarathasya ca

तारया चाभ्यनुज्ञाताः सर्वा वानरयोषितः
नेपथ्यविधिपूर्वं तु कृत्वा चापि प्रदक्षिणम्

tārayā cābhyanujñātāḥ sarvā vānarayoṣitaḥ
nepathyavidhipūrvaṃ tu kṛtvā cāpi pradakṣiṇam

ताभिः सहोत्थितं शीघ्रं विमानं प्रेक्ष्य राघवः

tābhiḥ sahotthitaṃ śīghraṃ vimānaṃ prekṣya rāghavaḥ

दृश्यतेअसौ महान्सीते सविद्युदिव तोयदः

dṛśyateasau mahānsīte savidyudiva toyadaḥ

अत्राहन् वानरेन्द्रेण सुग्रीवेण समागतः

atrāhan vānarendreṇa sugrīveṇa samāgataḥ

एषा सा दृश्यते पम्पा नलिनी चित्रकानना

eṣā sā dṛśyate pampā nalinī citrakānanā

अस्यास्तीरे मया दृष्टा शबरी धर्मचारिणी

asyāstīre mayā dṛṣṭā śabarī dharmacāriṇī

दृश्यतेअसौ जनस्थाने सीते श्रीमान्वनस्पतिः

dṛśyateasau janasthāne sīte śrīmānvanaspatiḥ

खरश्च निहतश्सङ्ख्ये दूषणश्च निपातितः
त्रिशिराश्च महावीर्यो मया बाणैरजिह्मगैः

kharaśca nihataśsaṅkhye dūṣaṇaśca nipātitaḥ
triśirāśca mahāvīryo mayā bāṇairajihmagaiḥ

एषा गोदावरी रम्या प्रसन्नसलिला शिवा

eṣā godāvarī ramyā prasannasalilā śivā

दीप्तश्चैवाश्रमो ह्येष सुतीक्ष्णस्य महात्मनः

dīptaścaivāśramo hyeṣa sutīkṣṇasya mahātmanaḥ

एते ते तापसावासा दृश्यन्ते तनुमध्यमे
अत्रिः कुलपतिर्यत्र सूर्यवैश्वानरप्रभः

ete te tāpasāvāsā dṛśyante tanumadhyame
atriḥ kulapatiryatra sūryavaiśvānaraprabhaḥ

अस्मिन्देशे महाकायो विराधो निहतो मया
अत्र सीते त्वया दृष्टा तापसी धर्मचारिणी

asmindeśe mahākāyo virādho nihato mayā
atra sīte tvayā dṛṣṭā tāpasī dharmacāriṇī

असौ सुतनुशैलेन्द्रश्चित्रकूटः प्रकाशते
यत्र मान् कैकयीपुत्रः प्रसादयितुमागतः

asau sutanuśailendraścitrakūṭaḥ prakāśate
yatra mān kaikayīputraḥ prasādayitumāgataḥ

एषा सा यमुना दूराद्दृश्यते चित्रकानना
भरद्वाजाश्रमो श्रीमानेष दृश्यते चैष मैथिलि

eṣā sā yamunā dūrāddṛśyate citrakānanā
bharadvājāśramo śrīmāneṣa dṛśyate caiṣa maithili

इयं च दृश्यते गङ्गा पुण्या त्रिपथगा नदी
नानाद्विजगणाकीर्णा संप्रपुष्पितकानना

iyaṃ ca dṛśyate gaṅgā puṇyā tripathagā nadī
nānādvijagaṇākīrṇā saṃprapuṣpitakānanā

शृङ्गवेरपुरन् चैतद्गुहो यत्र समागतः
एषा त्रिपथगा गङ्गा दृश्यते वरवर्णिनि

śṛṅgaverapuran caitadguho yatra samāgataḥ
eṣā tripathagā gaṅgā dṛśyate varavarṇini

एषा सा दृश्यतेअयोध्या राजधानी पितुर्मम

eṣā sā dṛśyateayodhyā rājadhānī piturmama

ततस्ते वानराः सर्वे राक्षसश्च विभीषणः

tataste vānarāḥ sarve rākṣasaśca vibhīṣaṇaḥ

इत्यार्षे श्रीमद्रामायणे आदिकाव्ये युद्धकाण्डे त्रयोविंशत्यधिकशततमः सर्गः

ityārṣe śrīmadrāmāyaṇe ādikāvye yuddhakāṇḍe trayoviṃśatyadhikaśatatamaḥ sargaḥ