अथ अहम् उत्तरम् देव्या पुनः उक्तः ससम्भ्रमम्
तव स्नेहान् नर व्याघ्र सौहार्यात् अनुमान्य च

atha aham uttaram devyā punaḥ uktaḥ sasambhramam
tava snehān nara vyāghra sauhāryāt anumānya ca

एवम् बहु विधम् वाच्यो रामो दाशरथिः त्वया
यथा माम् आप्नुयात् शीघ्रम् हत्वा रावणम् आहवे

evam bahu vidham vācyo rāmo dāśarathiḥ tvayā
yathā mām āpnuyāt śīghram hatvā rāvaṇam āhave

यदि वा मन्यसे वीर वस एका अहम् अरिम् दम
कस्मिंश्चित् सम्वृते देशे विश्रान्तः श्वो गमिष्यसि

yadi vā manyase vīra vasa ekā aham arim dama
kasmiṃścit samvṛte deśe viśrāntaḥ śvo gamiṣyasi

मम च अपि अल्प भाग्यायाः साम्निध्यात् तव वानर
अस्य शोक विपाकस्य मुहूर्तम् स्यात् विमोक्षणम्

mama ca api alpa bhāgyāyāḥ sāmnidhyāt tava vānara
asya śoka vipākasya muhūrtam syāt vimokṣaṇam

गते हि त्वयि विक्रान्ते पुनः आगमनाय वै
प्राणानाम् अपि संदेहो मम स्यान् न अत्र संशयः

gate hi tvayi vikrānte punaḥ āgamanāya vai
prāṇānām api saṃdeho mama syān na atra saṃśayaḥ

तव अदर्शनजः शोको भूयो माम् परितापयेत्
दुह्खात् दुह्ख पराभूताम् दुर्गताम् दुह्ख भागिनीम्

tava adarśanajaḥ śoko bhūyo mām paritāpayet
duhkhāt duhkha parābhūtām durgatām duhkha bhāginīm

अयम् तु वीर संदेहः तिष्ठति इव मम अग्रतः
सुमहान् त्वत् सहायेषु हरि ऋक्षेषु असंशयः

ayam tu vīra saṃdehaḥ tiṣṭhati iva mama agrataḥ
sumahān tvat sahāyeṣu hari ṛkṣeṣu asaṃśayaḥ

कथम् नु खलु दुष्पारम् तरिष्यन्ति महाउदधिम्
तानि हरि ऋक्ष सैन्यानि तौ वा नर वर आत्मजौ

katham nu khalu duṣpāram tariṣyanti mahāudadhim
tāni hari ṛkṣa sainyāni tau vā nara vara ātmajau

त्रयाणाम् एव भूतानाम् सागरस्य अस्य लन्घने
शक्तिः स्यात् वैनतेयस्य वायोः वा तव वा अनघ

trayāṇām eva bhūtānām sāgarasya asya langhane
śaktiḥ syāt vainateyasya vāyoḥ vā tava vā anagha

तत् अस्मिन् कार्य नियोगे वीर एवम् दुरतिक्रमे
किम् पश्यसि समाधानम् ब्रूहि कार्यविदाम् वर

tat asmin kārya niyoge vīra evam duratikrame
kim paśyasi samādhānam brūhi kāryavidām vara

कामम् अस्य त्वम् एव एकः कार्यस्य परिसाधने

kāmam asya tvam eva ekaḥ kāryasya parisādhane

बलैः समग्रैः यदि माम् हत्वा रावणम् आहवे
विजयी स्वाम् पुरीम् रामो नयेत् तत् स्यात् यशः करम्

balaiḥ samagraiḥ yadi mām hatvā rāvaṇam āhave
vijayī svām purīm rāmo nayet tat syāt yaśaḥ karam

यथा अहम् तस्य वीरस्य वनात् उपधिना हृता
रक्षसा तत् भयात् एव तथा न अर्हति राघवः

yathā aham tasya vīrasya vanāt upadhinā hṛtā
rakṣasā tat bhayāt eva tathā na arhati rāghavaḥ

बलैः तु सम्कुलाम् कृत्वा लन्काम् पर बल अर्दनः
माम् नयेत् यदि काकुत्स्थः तत् तस्य सदृशम् भवेत्

balaiḥ tu samkulām kṛtvā lankām para bala ardanaḥ
mām nayet yadi kākutsthaḥ tat tasya sadṛśam bhavet

तत् यथा तस्य विक्रान्तम् अनुरूपम् महात्मनः
भवति आहव शूरस्य तथा त्वम् उपपादय

tat yathā tasya vikrāntam anurūpam mahātmanaḥ
bhavati āhava śūrasya tathā tvam upapādaya

तत् अर्थ उपहितम् वाक्यम् प्रश्रितम् हेतु सम्हितम्
निशम्य अहम् ततः शेषम् वाक्यम् उत्तरम् अब्रुवम्

tat artha upahitam vākyam praśritam hetu samhitam
niśamya aham tataḥ śeṣam vākyam uttaram abruvam

देवि हरि ऋक्ष सैन्यानाम् ईश्वरः प्लवताम् वरः
सुग्रीवः सत्त्व सम्पन्नः तव अर्थे कृत निश्चयः

devi hari ṛkṣa sainyānām īśvaraḥ plavatām varaḥ
sugrīvaḥ sattva sampannaḥ tava arthe kṛta niścayaḥ

तस्य विक्रम सम्पन्नाः सत्त्ववन्तो महाबलाः
मनः सम्कल्प सम्पाता निदेशे हरयः स्थिताः

tasya vikrama sampannāḥ sattvavanto mahābalāḥ
manaḥ samkalpa sampātā nideśe harayaḥ sthitāḥ

असकृत् तैः महाभागैः वानरैः बल सम्युतैः
प्रदक्षिणी कृता भूमिः वायु मार्ग अनुसारिभिः

asakṛt taiḥ mahābhāgaiḥ vānaraiḥ bala samyutaiḥ
pradakṣiṇī kṛtā bhūmiḥ vāyu mārga anusāribhiḥ

मत् विशिष्टाः च तुल्याः च सन्ति तत्र वन ओकसः
मत्तः प्रत्यवरः कश्चिन् न अस्ति सुग्रीव सम्निधौ

mat viśiṣṭāḥ ca tulyāḥ ca santi tatra vana okasaḥ
mattaḥ pratyavaraḥ kaścin na asti sugrīva samnidhau

तत् अलम् परितापेन देवि मन्युः व्यपैतु ते
एक उत्पातेन ते लन्काम् एष्यन्ति हरि यूथपाः

tat alam paritāpena devi manyuḥ vyapaitu te
eka utpātena te lankām eṣyanti hari yūthapāḥ

मम पृष्ठ गतौ तौ च चन्द्र सूर्याव् इव उदितौ
त्वत् सकाशम् महाभागे नृ सिम्हाव् आगमिष्यतः

mama pṛṣṭha gatau tau ca candra sūryāv iva uditau
tvat sakāśam mahābhāge nṛ simhāv āgamiṣyataḥ

अरिघ्नम् सिम्ह सम्काशम् क्षिप्रम् द्रक्ष्यसि राघवम्
लक्ष्मणम् च धनुष् पाणिम् लन्का द्वारम् उपस्थितम्

arighnam simha samkāśam kṣipram drakṣyasi rāghavam
lakṣmaṇam ca dhanuṣ pāṇim lankā dvāram upasthitam

नख दम्ष्ट्र आयुधान् वीरान् सिम्ह शार्दूल विक्रमान्
वानरान् वानर इन्द्र आभान् क्षिप्रम् द्रक्ष्यसि सम्गतान्

nakha damṣṭra āyudhān vīrān simha śārdūla vikramān
vānarān vānara indra ābhān kṣipram drakṣyasi samgatān

शैल अम्बुदन् निकाशानाम् लन्का मलय सानुषु
नर्दताम् कपि मुख्यानाम् अचिरात् शोष्यसे स्वनम्

śaila ambudan nikāśānām lankā malaya sānuṣu
nardatām kapi mukhyānām acirāt śoṣyase svanam

निवृत्त वन वासम् च त्वया सार्धम् अरिम् दमम्
अभिषिक्तम् अयोध्यायाम् क्षिप्रम् द्रक्ष्यसि राघवम्

nivṛtta vana vāsam ca tvayā sārdham arim damam
abhiṣiktam ayodhyāyām kṣipram drakṣyasi rāghavam

इत्यार्षे श्रीमद्रामायणे आदिकाव्ये सुन्दरकाण्डे अष्टषष्टितमः सर्गः

ityārṣe śrīmadrāmāyaṇe ādikāvye sundarakāṇḍe aṣṭaṣaṣṭitamaḥ sargaḥ