सप्तधा तु कृते गर्भे दितिः परम दुःखिता
सहस्राक्षम् दुराधर्षम् वाक्यम् स अनुनया अब्रवीत्

saptadhā tu kṛte garbhe ditiḥ parama duḥkhitā
sahasrākṣam durādharṣam vākyam sa anunayā abravīt

मम अपराधात् गर्भो अयम् सप्तधा शकली कृतः
न अपराधो हि देव ईश तव अत्र बलसूदन

mama aparādhāt garbho ayam saptadhā śakalī kṛtaḥ
na aparādho hi deva īśa tava atra balasūdana

प्रियम् त्वत् कृतम् इच्छामि मम गर्भ विपर्यये
मरुताम् सप्त सप्तानाम् स्थानपाला भवन्तु ते

priyam tvat kṛtam icchāmi mama garbha viparyaye
marutām sapta saptānām sthānapālā bhavantu te

वात स्कंधा इमे सप्त चरन्तु दिवि पुत्रक
मारुता इति विख्याता दिव्यरूपा मम आत्मजाः

vāta skaṃdhā ime sapta carantu divi putraka
mārutā iti vikhyātā divyarūpā mama ātmajāḥ

ब्रह्म लोकम् चरतु एक इन्द्र लोकम् तथा अपरः
दिव्य वायुः इति ख्यातः तृतीयो अपि महायशाः

brahma lokam caratu eka indra lokam tathā aparaḥ
divya vāyuḥ iti khyātaḥ tṛtīyo api mahāyaśāḥ

चत्वारः तु सुरश्रेष्ठ दिशो वै तव शासनात्
संचरिष्यन्ति भद्रम् ते कलेन हि मम आत्मजाः

catvāraḥ tu suraśreṣṭha diśo vai tava śāsanāt
saṃcariṣyanti bhadram te kalena hi mama ātmajāḥ

तस्याः तत् वचनम् श्रुत्वा सहस्राक्षः पुरंदरः

tasyāḥ tat vacanam śrutvā sahasrākṣaḥ puraṃdaraḥ

सर्वम् एतत् यथा उक्तम् ते भविष्यति न संशयः

sarvam etat yathā uktam te bhaviṣyati na saṃśayaḥ

एष देशः स काकुत्स्थ महेन्द्रात् अद्युषितः पुरा

eṣa deśaḥ sa kākutstha mahendrāt adyuṣitaḥ purā

इक्ष्वाकोस्तु नरव्याघ्र पुत्रः परम धार्मिकः

ikṣvākostu naravyāghra putraḥ parama dhārmikaḥ

विशालस्य सुतो राम हेमचन्द्रो महाबलः
सुचन्द्र इति विख्यातो हेमचन्द्रात् अनंतरः

viśālasya suto rāma hemacandro mahābalaḥ
sucandra iti vikhyāto hemacandrāt anaṃtaraḥ

सुचन्द्र तनयो राम धूम्र अश्व इति विश्रुतः
धूम्राश्व तनयः च अपि सृंजयः समपद्यत

sucandra tanayo rāma dhūmra aśva iti viśrutaḥ
dhūmrāśva tanayaḥ ca api sṛṃjayaḥ samapadyata

सृंजयस्य सुतः श्रीमान् सहदेवः प्रतापवान्
कुशाश्वः सहदेवस्य पुत्रः परम धार्मिकः

sṛṃjayasya sutaḥ śrīmān sahadevaḥ pratāpavān
kuśāśvaḥ sahadevasya putraḥ parama dhārmikaḥ

कुशाश्वस्य महातेजाः सोमदत्तः प्रतापवान्
सोमदत्तस्य पुत्रः तु काकुत्स्थ इति विश्रुतः

kuśāśvasya mahātejāḥ somadattaḥ pratāpavān
somadattasya putraḥ tu kākutstha iti viśrutaḥ

तस्य पुत्रो महातेजाः संप्रति एष पुरीम् इमाम्
आवसत् परम प्रख्यः सुमतिः नाम दुर्जयः

tasya putro mahātejāḥ saṃprati eṣa purīm imām
āvasat parama prakhyaḥ sumatiḥ nāma durjayaḥ

इक्ष्वाकोस्तु प्रसादेन सर्वे वैशालिका नृपाः
दीर्घ आयुषो महात्मानो वीर्यवन्तः सुधार्मिकाः

ikṣvākostu prasādena sarve vaiśālikā nṛpāḥ
dīrgha āyuṣo mahātmāno vīryavantaḥ sudhārmikāḥ

इह अद्य रजनीम् एकाम् सुखम् स्वप्स्यामहे वयम्
श्वः प्रभाते नरश्रेष्ठ जनकम् द्रष्टुम् अर्हसि

iha adya rajanīm ekām sukham svapsyāmahe vayam
śvaḥ prabhāte naraśreṣṭha janakam draṣṭum arhasi

सुमतिः तु महातेजा विश्वामित्रम् उपागतम्
श्रुत्वा नर वर श्रेष्ठः प्रत्यागच्छन् महायशाः

sumatiḥ tu mahātejā viśvāmitram upāgatam
śrutvā nara vara śreṣṭhaḥ pratyāgacchan mahāyaśāḥ

पूजाम् च परमाम् कृत्वा स उपाध्यायः सबान्धवः
प्रांजलिः कुशलम् पृष्ट्वा विश्वामित्रम् अथ अब्रवीत्

pūjām ca paramām kṛtvā sa upādhyāyaḥ sabāndhavaḥ
prāṃjaliḥ kuśalam pṛṣṭvā viśvāmitram atha abravīt

इति वाल्मीकि रामायणे आदि काव्ये बाल काण्डे सप्त चत्वारिंशः सर्गः

iti vālmīki rāmāyaṇe ādi kāvye bāla kāṇḍe sapta catvāriṃśaḥ sargaḥ