तौ कबन्धेन तम् मार्गम् पम्पाया दर्शितम् वने
आतस्थतुः दिशम् गृह्य प्रतीचीम् नृ वर आत्मजौ

tau kabandhena tam mārgam pampāyā darśitam vane
ātasthatuḥ diśam gṛhya pratīcīm nṛ vara ātmajau

तौ शैलेषु आचित अनेकान् क्षौद्र कल्प फल द्रुमान्
वीक्षन्तौ जग्मतुः द्रष्टुम् सुग्रीवम् राम लक्ष्मणौ

tau śaileṣu ācita anekān kṣaudra kalpa phala drumān
vīkṣantau jagmatuḥ draṣṭum sugrīvam rāma lakṣmaṇau

कृत्वा च शैल पृष्ठे तु तौ वासम् रघु नन्दनौ
पंपायाः पश्चिमम् तीरम् राघवौ उपतस्थतुः

kṛtvā ca śaila pṛṣṭhe tu tau vāsam raghu nandanau
paṃpāyāḥ paścimam tīram rāghavau upatasthatuḥ

तौ पुष्करिण्याः पंपायाः तीरम् आसाद्य पश्चिमम्
अपश्यताम् ततः तत्र शबर्या रम्यम् आश्रमम्

tau puṣkariṇyāḥ paṃpāyāḥ tīram āsādya paścimam
apaśyatām tataḥ tatra śabaryā ramyam āśramam

तौ तम् आश्रमम् आसाद्य द्रुमैः बहुभिः आवृतम्
सु रम्यम् अभिवीक्षन्तौ शबरीम् अभ्युपेयतुः

tau tam āśramam āsādya drumaiḥ bahubhiḥ āvṛtam
su ramyam abhivīkṣantau śabarīm abhyupeyatuḥ

तौ दृष्ट्वा तु तदा सिद्धा समुत्थाय कृतांजलिः
पादौ जग्राह रामस्य लक्ष्मणस्य च धीमतः

tau dṛṣṭvā tu tadā siddhā samutthāya kṛtāṃjaliḥ
pādau jagrāha rāmasya lakṣmaṇasya ca dhīmataḥ

पाद्यम् आचमनीयम् च सर्वम् प्रददात् यथा विधि
ताम् उवाच ततो रामः श्रमणीम् धर्म संस्थिताम्

pādyam ācamanīyam ca sarvam pradadāt yathā vidhi
tām uvāca tato rāmaḥ śramaṇīm dharma saṃsthitām

कच्चित् ते निर्जिता विघ्नाः कच्चित् ते वर्धते तपः
कच्चित् ते नियतः कोप आहारः च तपोधने

kaccit te nirjitā vighnāḥ kaccit te vardhate tapaḥ
kaccit te niyataḥ kopa āhāraḥ ca tapodhane

कच्चित् ते नियमाः प्राप्ताः कच्चित् ते मनसः सुखम्
कच्चित् ते गुरु शुश्रूषा सफला चारु भाषिणि

kaccit te niyamāḥ prāptāḥ kaccit te manasaḥ sukham
kaccit te guru śuśrūṣā saphalā cāru bhāṣiṇi

रामेण तापसी पृष्ठा सा सिद्धा सिद्ध सम्मता
शशंस शबरी वृद्धा रामाय प्रति अवस्थिता

rāmeṇa tāpasī pṛṣṭhā sā siddhā siddha sammatā
śaśaṃsa śabarī vṛddhā rāmāya prati avasthitā

अद्य प्राप्ता तपः सिद्धिः तव संदर्शनात् मया
अद्य मे सफलम् जन्म गुरवः च सुपूजिताः

adya prāptā tapaḥ siddhiḥ tava saṃdarśanāt mayā
adya me saphalam janma guravaḥ ca supūjitāḥ

अद्य मे सफलम् तप्तम् स्वर्गः चैव भविष्यति
त्वयि देव वरे राम पूजिते पुरुषर्षभ

adya me saphalam taptam svargaḥ caiva bhaviṣyati
tvayi deva vare rāma pūjite puruṣarṣabha

तव अहम् चक्षुषा सौम्य पूता सौम्येन मानद
गमिष्याम्यक्षयांलोकांस्वत्प्रसादादरिन्दम यद्वा
गमिष्यामि अक्षयान् लोकान् त्वत् प्रसादात् अरिंदम

tava aham cakṣuṣā saumya pūtā saumyena mānada
gamiṣyāmyakṣayāṃlokāṃsvatprasādādarindama - yadvā -
gamiṣyāmi akṣayān lokān tvat prasādāt ariṃdama

चित्रकूटम् त्वयि प्राप्ते विमानैः अतुल प्रभैः
इतः ते दिवम् आरूढा यान् अहम् पर्यचारिषम्

citrakūṭam tvayi prāpte vimānaiḥ atula prabhaiḥ
itaḥ te divam ārūḍhā yān aham paryacāriṣam

तैः च अहम् उक्ता धर्म ज्ञैः महाभागैः महर्षिभिः
आगमिष्यति ते रामः सु पुण्यम् इमम् आश्रमम्

taiḥ ca aham uktā dharma jñaiḥ mahābhāgaiḥ maharṣibhiḥ
āgamiṣyati te rāmaḥ su puṇyam imam āśramam

एवम् उक्ता महाभागैः तदा अहम् पुरुषर्षभ
मया तु विविधम् वन्यम् संचितम् पुरुषर्षभ

evam uktā mahābhāgaiḥ tadā aham puruṣarṣabha
mayā tu vividham vanyam saṃcitam puruṣarṣabha

एवम् उक्तः स धर्मात्मा शबर्या शबरीम् इदम्

evam uktaḥ sa dharmātmā śabaryā śabarīm idam

दनोः सकाशात् तत्त्वेन प्रभावम् ते महात्मनः

danoḥ sakāśāt tattvena prabhāvam te mahātmanaḥ

एतत् तु वचनम् श्रुत्वा राम वक्त्रात् विनिःसृतम्

etat tu vacanam śrutvā rāma vaktrāt viniḥsṛtam

पश्य मेघ घन प्रख्यम् मृग पक्षि समाकुलम्

paśya megha ghana prakhyam mṛga pakṣi samākulam

इयम् प्रत्यक् स्थली वेदी यत्र ते मे सुसत्कृताः
पुष्प उपहारम् कुर्वन्ति श्रमात् उद् वेपिभिः करैः

iyam pratyak sthalī vedī yatra te me susatkṛtāḥ
puṣpa upahāram kurvanti śramāt ud vepibhiḥ karaiḥ

तेषाम् तपः प्रभावेन पश्य अद्य अपि रघूत्तम
द्योतयन्ति दिशः सर्वाः श्रिया वेद्यः अतुल प्रभाः

teṣām tapaḥ prabhāvena paśya adya api raghūttama
dyotayanti diśaḥ sarvāḥ śriyā vedyaḥ atula prabhāḥ

अशक्नुवद्भिस्तैर्गन्तुमुपवासश्रमालसैः यद्वा
अशक्नुवद्भिः तैः गन्तुम् उपवास श्रम आलसैः
चिन्तिते अभ्यागतान् पश्य समेतान् सप्त सागरान्

aśaknuvadbhistairgantumupavāsaśramālasaiḥ - yadvā -
aśaknuvadbhiḥ taiḥ gantum upavāsa śrama ālasaiḥ
cintite abhyāgatān paśya sametān sapta sāgarān

कृत अभिषेकैः तैः न्यस्ता वल्कलाः पादपेषु इह
अद्य अपि न विशुष्यन्ति प्रदेशे रघुनंदन

kṛta abhiṣekaiḥ taiḥ nyastā valkalāḥ pādapeṣu iha
adya api na viśuṣyanti pradeśe raghunaṃdana

देव कार्याणि कुर्वद्भिः यानि इमानि कृतानि वै
पुष्पैः कुवलयैः सार्थम् म्लानत्वम् न तु यान्ति वै

deva kāryāṇi kurvadbhiḥ yāni imāni kṛtāni vai
puṣpaiḥ kuvalayaiḥ sārtham mlānatvam na tu yānti vai

कृत्स्नम् वनम् इदम् दृष्टम् श्रोतव्यम् च श्रुतम् त्वया
तत् इच्छामि अभ्यनुज्ञाता त्यक्ष्यामि एतत् कलेवरम्

kṛtsnam vanam idam dṛṣṭam śrotavyam ca śrutam tvayā
tat icchāmi abhyanujñātā tyakṣyāmi etat kalevaram

तेषाम् इच्छामि अहम् गन्तुम् समीपम् भावित आत्मनाम्
मुनीनाम् आश्रमो येषाम् अहम् च परिचारिणी

teṣām icchāmi aham gantum samīpam bhāvita ātmanām
munīnām āśramo yeṣām aham ca paricāriṇī

धर्मिष्ठम् तु वचः श्रुत्वा राघवः सह लक्ष्मणः
प्रहर्सम् अतुलम् लेभे आश्चर्यम् इदम् च अब्रवीत्

dharmiṣṭham tu vacaḥ śrutvā rāghavaḥ saha lakṣmaṇaḥ
praharsam atulam lebhe āścaryam idam ca abravīt

ताम् उवाच ततो रामः शबरी संश्रित व्रताम्
अर्चितो अहम् त्वया भद्रे गच्छ कामम् यथा सुखम्

tām uvāca tato rāmaḥ śabarī saṃśrita vratām
arcito aham tvayā bhadre gaccha kāmam yathā sukham

इति एवम् उक्ता जटिला चीर कृष्ण अजिन अंबरा
अनुज्ञाता तु रामेण हुत्वा आत्मानम् हुत अशने

iti evam uktā jaṭilā cīra kṛṣṇa ajina aṃbarā
anujñātā tu rāmeṇa hutvā ātmānam huta aśane

दिव्यम् आभरण संयुक्ता दिव्य माल्य अनुलेपना

divyam ābharaṇa saṃyuktā divya mālya anulepanā

इति वाल्मीकि रामायणे आदि काव्ये अरण्य काण्डे चतुः सप्ततितमः सर्गः

iti vālmīki rāmāyaṇe ādi kāvye araṇya kāṇḍe catuḥ saptatitamaḥ sargaḥ