Śrī Rāma Rakṣā Stotram

ॐ अस्य श्री रामरक्षा स्तोत्र महा मन्त्रस्य ।
बुधकौशिक ऋषिः ।
श्री सीता रामचन्द्रो देवता ।
अनुष्टुप् छन्दः ।
सीता शक्तिः ।
श्रीमान् हनुमान् कीलकम् ।
श्री रामचन्द्र प्रीत्यर्थे ।
श्री रामरक्षा स्तोत्र जपे विनियोगः ॥

oṃ asya śrī rāmarakṣā stotra mahā mantrasya |
budhakauśika ṛṣiḥ |
śrī sītā rāmacandro devatā |
anuṣṭup chandaḥ |
sītā śaktiḥ |
śrīmān hanumān kīlakam |
śrī rāmacandra prītyarthe |
śrī rāmarakṣā stotra jape viniyogaḥ ||

॥ अथ ध्यानम् ॥
ध्यायेद् आजानुबाहुं ।
धृत शर धनुषम् ।
बद्ध पद्मासनस्थम् ।
पीतं वासोवसानं ।
नवकमलदल स्पर्धि नेत्रं प्रसन्नम् ।
वामाङ्कारूढ सीता ।
मुख कमल मिलल्लोचनं नीरदाभम् ।
नानालङ्कार दीप्तम् ।
दधतमुरुजटामण्डलं रामचन्द्रम् ॥

|| atha dhyānam ||
dhyāyed ājānubāhuṃ |
dhṛta śara dhanuṣam |
baddha padmāsanastham |
pītaṃ vāsovasānaṃ |
navakamaladala spardhi netraṃ prasannam |
vāmāṅkārūḍha sītā |
mukha kamala milallocanaṃ nīradābham |
nānālaṅkāra dīptam |
dadhatamurujaṭāmaṇḍalaṃ rāmacandram ||

॥ अथ स्तोत्रम् ॥
चरितं रघुनाथस्य ।
शतकोटि प्रविस्तरम् ।
एकैकमक्षरं पुंसां ।
महापातक नाशनम् ॥

|| atha stotram ||
caritaṃ raghunāthasya |
śatakoṭi pravistaram |
ekaikamakṣaraṃ puṃsāṃ |
mahāpātaka nāśanam ||

ध्यात्वा नीलोत्पलश्यामं ।
रामं राजीवलोचनम् ।
जानकी लक्ष्मणोपेतं ।
जटामुकुट मण्डितम् ॥

dhyātvā nīlotpalaśyāmaṃ |
rāmaṃ rājīvalocanam |
jānakī lakṣmaṇopetaṃ |
jaṭāmukuṭa maṇḍitam ||

सासितूण धनुर्बाण ।
पाणिं नक्तं चरान्तकम् ।
स्वल्लीलया जगत्रातुं ।
आविर्भूतं अजं विभुम् ॥

sāsitūṇa dhanurbāṇa |
pāṇiṃ naktaṃ carāntakam |
svallīlayā jagatrātuṃ |
āvirbhūtaṃ ajaṃ vibhum ||

रामरक्षां पटेत्प्राज्ञः ।
पापघ्नीं सर्व कामदाम् ।
शिरोमे राघवः पातु ।
फालं दशरथात्मजः ॥

rāmarakṣāṃ paṭetprājñaḥ |
pāpaghnīṃ sarva kāmadām |
śirome rāghavaḥ pātu |
phālaṃ daśarathātmajaḥ ||

कौसल्येयो दृशौ पातु ।
विश्वामित्र प्रियः श्रुती ।
घ्राणं पातु मखत्राता ।
मुखं सौमित्रिवत्सलः ॥

kausalyeyo dṛśau pātu |
viśvāmitra priyaḥ śrutī |
ghrāṇaṃ pātu makhatrātā |
mukhaṃ saumitrivatsalaḥ ||

जिह्वां विद्यानिधिः पातु ।
कण्ठं भरत वन्दितः ।
स्कन्धौ दिव्यायुधः पातु ।
भुजौ भग्नेशकार्मुकः ॥

jihvāṃ vidyānidhiḥ pātu |
kaṇṭhaṃ bharata vanditaḥ |
skandhau divyāyudhaḥ pātu |
bhujau bhagneśakārmukaḥ ||

करौ सीतापतिः पातु ।
हृदयं जामदग्न्यजित् ।
मध्यं पातु खरध्वंसी ।
नाभिं जाम्बवदाश्रयः ॥

karau sītāpatiḥ pātu |
hṛdayaṃ jāmadagnyajit |
madhyaṃ pātu kharadhvaṃsī |
nābhiṃ jāmbavadāśrayaḥ ||

सुग्रीवेशः कटी पातु ।
सक्थिनी हनुमत्प्रभुः ।
ऊरू रघूत्तमः पातु ।
रक्षः कुलविनाशकृत् ॥

sugrīveśaḥ kaṭī pātu |
sakthinī hanumatprabhuḥ |
ūrū raghūttamaḥ pātu |
rakṣaḥ kulavināśakṛt ||

जानुनी सेतुकृत् पातु ।
जङ्घे दशमुखान्तकः ।
पादौ विभीषण श्रीदः ।
पातु रामोखिलम् वपुः ॥

jānunī setukṛt pātu |
jaṅghe daśamukhāntakaḥ |
pādau vibhīṣaṇa śrīdaḥ |
pātu rāmokhilam vapuḥ ||

एतां रामबलोपेतां ।
रक्षां यः सुकृती पटेत् ।
सचिरायुः सुखी पुत्री ।
विजयी विनयी भवेत् ॥

etāṃ rāmabalopetāṃ |
rakṣāṃ yaḥ sukṛtī paṭet |
sacirāyuḥ sukhī putrī |
vijayī vinayī bhavet ||

पाताल भूतल व्योम ।
चारिणश् छद्मचारिणः ।
न द्रष्टुमपि शक्तास्ते ।
रक्षितं रामनामभिः ॥

pātāla bhūtala vyoma |
cāriṇaś chadmacāriṇaḥ |
na draṣṭumapi śaktāste |
rakṣitaṃ rāmanāmabhiḥ ||

रामेति रामभद्रेति ।
रामचन्द्रेति वास्मरन् ।
नरो नलिप्यते पापैर् ।
भुक्तिं मुक्तिं च विन्दति ॥

rāmeti rāmabhadreti |
rāmacandreti vāsmaran |
naro nalipyate pāpair |
bhuktiṃ muktiṃ ca vindati ||

जगज्जैत्रैक मन्त्रेण ।
रामनाम्नाभिरक्षितम् ।
यः कण्टे धारयेत्तस्य ।
करस्थाः सर्व सिद्धयः ॥

jagajjaitraika mantreṇa |
rāmanāmnābhirakṣitam |
yaḥ kaṇṭe dhārayettasya |
karasthāḥ sarva siddhayaḥ ||

वज्रपञ्जर नामेधम् ।
यो रामकवचं स्मरेत् ।
अव्याहताज्ञः सर्वत्र ।
लभते जयमङ्गलम् ॥

vajrapañjara nāmedham |
yo rāmakavacaṃ smaret |
avyāhatājñaḥ sarvatra |
labhate jayamaṅgalam ||

आदिष्टवान् यथा स्वप्ने ।
रामरक्षामिमां हरः ।
तथा लिखितवान् प्रातः ।
प्रभुद्धौ बुधकौशिकः ॥

ādiṣṭavān yathā svapne |
rāmarakṣāmimāṃ haraḥ |
tathā likhitavān prātaḥ |
prabhuddhau budhakauśikaḥ ||

आरामः कल्पवृक्षाणां ।
विरामः सकलापदाम् ।
अभिरामः त्रिलोकानां ।
रामः श्रीमान् सनः प्रभुः ॥

ārāmaḥ kalpavṛkṣāṇāṃ |
virāmaḥ sakalāpadām |
abhirāmaḥ trilokānāṃ |
rāmaḥ śrīmān sanaḥ prabhuḥ ||

तरुणौ रूपसम्पन्नौ ।
सुकुमारौ महाबलौ ।
पुण्डरीक विशालाक्षौ ।
चीर कृष्णाजिनाम्बरौ ॥

taruṇau rūpasampannau |
sukumārau mahābalau |
puṇḍarīka viśālākṣau |
cīra kṛṣṇājināmbarau ||

फल मूलाशिनौ दान्तौ ।
तापसौ ब्रह्मचारिणौ ।
पुत्रौ दशरथस्यैतौ ।
भ्रातरौ रामलक्ष्मणौ ॥

phala mūlāśinau dāntau |
tāpasau brahmacāriṇau |
putrau daśarathasyaitau |
bhrātarau rāmalakṣmaṇau ||

शरण्यौ सर्व सत्त्वानां ।
श्रेष्ठा सर्वधनुष्मताम् ।
रक्षःकुल निहन्तारौ ।
त्रायेतां नो रघूत्तमौ ॥

śaraṇyau sarva sattvānāṃ |
śreṣṭhā sarvadhanuṣmatām |
rakṣaḥkula nihantārau |
trāyetāṃ no raghūttamau ||

आत्तसज्ज धनुषम् इषुस्पृशम् ।
अक्षयाशुग निषङ्ग सङ्गिनौ ।
रक्षणाय मम रामलक्ष्मणाम् ।
अग्रतः पथिसदैव गछ्छताम् ॥

āttasajja dhanuṣam iṣuspṛśam |
akṣayāśuga niṣaṅga saṅginau |
rakṣaṇāya mama rāmalakṣmaṇām |
agrataḥ pathisadaiva gachchatām ||

सन्नद्धः कवची खड्गी ।
चापबाणधरो युवा ।
गच्छन् मनोरथान्नश्च ।
रामः पातु सलक्ष्मणः ॥

sannaddhaḥ kavacī khaḍgī |
cāpabāṇadharo yuvā |
gacchan manorathānnaśca |
rāmaḥ pātu salakṣmaṇaḥ ||

रामो दाशरथिः शूरो ।
लक्ष्मणानुचरो बली ।
काकुत्सः पुरुषः पूर्णः ।
कौसल्येयो रघूत्तमः ॥

rāmo dāśarathiḥ śūro |
lakṣmaṇānucaro balī |
kākutsaḥ puruṣaḥ pūrṇaḥ |
kausalyeyo raghūttamaḥ ||

वेदान्त वेद्यो यज्ञेशः ।
पुराण पुरुषोत्तमः ।
जानकीवल्लभः श्रीमान् ।
अप्रमेय पराक्रमः ॥

vedānta vedyo yajñeśaḥ |
purāṇa puruṣottamaḥ |
jānakīvallabhaḥ śrīmān |
aprameya parākramaḥ ||

इत्येतानि जपेन्नित्यं ।
मद्भक्तः श्रद्धयान्वितः ।
अश्वमेधाधिकं पुण्यं ।
सम्प्राप्नोति नसंशयः ॥

ityetāni japennityaṃ |
madbhaktaḥ śraddhayānvitaḥ |
aśvamedhādhikaṃ puṇyaṃ |
samprāpnoti nasaṃśayaḥ ||

रामं दुर्वादल श्यामं ।
पद्माक्षं पीतवाससम् ।
स्तुवन्ति नाभिर् दिव्यैर् ।
नते संसारिणो नराः ॥

rāmaṃ durvādala śyāmaṃ |
padmākṣaṃ pītavāsasam |
stuvanti nābhir divyair |
nate saṃsāriṇo narāḥ ||

रामं लक्ष्मण पूर्वजं ।
रघुवरं सीतापतिं सुन्दरम् ।
काकुत्सं करुणार्णवं गुणनिधिं ।
विप्रप्रियं धार्मिकम् ।
राजेन्द्रं सत्यसन्धं ।
दशरथतनयं श्यामलं ।
शान्तमूर्तिम् ।
वन्दे लोकाभिरामं ।
रघुकुल तिलकं राघवं रावणारिम् ॥

rāmaṃ lakṣmaṇa pūrvajaṃ |
raghuvaraṃ sītāpatiṃ sundaram |
kākutsaṃ karuṇārṇavaṃ guṇanidhiṃ |
viprapriyaṃ dhārmikam |
rājendraṃ satyasandhaṃ |
daśarathatanayaṃ śyāmalaṃ |
śāntamūrtim |
vande lokābhirāmaṃ |
raghukula tilakaṃ rāghavaṃ rāvaṇārim ||

रामाय रामभद्राय ।
रामचन्द्राय वेधसे ।
रघुनाथाय नाथाय ।
सीतायाः पतये नमः ॥

rāmāya rāmabhadrāya |
rāmacandrāya vedhase |
raghunāthāya nāthāya |
sītāyāḥ pataye namaḥ ||

श्रीराम राम रघुनन्दन राम राम ।
श्रीराम राम भरताग्रज राम राम ।
श्रीराम राम रणकर्कश राम राम ।
श्रीराम राम शरणं भव राम राम ॥

śrīrāma rāma raghunandana rāma rāma |
śrīrāma rāma bharatāgraja rāma rāma |
śrīrāma rāma raṇakarkaśa rāma rāma |
śrīrāma rāma śaraṇaṃ bhava rāma rāma ||

श्रीरामचन्द्र चरणौ मनसा स्मरामि ।
श्रीरामचन्द्र चरणौ वचसा गृउह्णामि ।
श्रीरामचन्द्र चरणौ शिरसा नमामि ।
श्रीरामचन्द्र चरणौ शरणं प्रपद्ये ॥

śrīrāmacandra caraṇau manasā smarāmi |
śrīrāmacandra caraṇau vacasā gṛuhṇāmi |
śrīrāmacandra caraṇau śirasā namāmi |
śrīrāmacandra caraṇau śaraṇaṃ prapadye ||

माता रामो मत् पिता रामचन्द्रः ।
स्वामी रामो मत् सखा रामचन्द्रः ।
सर्वस्वं मे रामचन्द्रो दयालुः ।
नान्यं जाने नैव जाने न जाने ॥

mātā rāmo mat pitā rāmacandraḥ |
svāmī rāmo mat sakhā rāmacandraḥ |
sarvasvaṃ me rāmacandro dayāluḥ |
nānyaṃ jāne naiva jāne na jāne ||

दक्षिणे लक्ष्मणो यस्या ।
वामे च जनकात्मजा ।
पुरतो मारुतिर्यस्य ।
तं वन्दे रघुनन्दनम् ॥

dakṣiṇe lakṣmaṇo yasyā |
vāme ca janakātmajā |
purato mārutiryasya |
taṃ vande raghunandanam ||

लोकाभिरामं रणरङ्गधीरम् ।
राजीवनेत्रं रघुवंशनाथम् ।
कारुण्यरूपं करुणाकरं तम् ।
श्रीरामचन्द्रम् शरणं प्रपद्ये ॥

lokābhirāmaṃ raṇaraṅgadhīram |
rājīvanetraṃ raghuvaṃśanātham |
kāruṇyarūpaṃ karuṇākaraṃ tam |
śrīrāmacandram śaraṇaṃ prapadye ||

मनोजवम् मारुततुल्यवेगम् ।
जितेन्द्रियं बुद्धिमतां वरिष्ठम् ।
वातात्मजं वानरयूधमुख्यम् ।
श्रीरामदूतं शरणं प्रपद्ये ॥

manojavam mārutatulyavegam |
jitendriyaṃ buddhimatāṃ variṣṭham |
vātātmajaṃ vānarayūdhamukhyam |
śrīrāmadūtaṃ śaraṇaṃ prapadye ||

कूजन्तं राम रामेति ।
मधुरं मधुराक्षरम् ।
आरुह्य कविताशाखां ।
वन्दे वाल्मीकि कोकिलम् ॥

kūjantaṃ rāma rāmeti |
madhuraṃ madhurākṣaram |
āruhya kavitāśākhāṃ |
vande vālmīki kokilam ||

आपदाम् अपहर्तारं ।
दातारं सर्वसम्पदाम् ।
लोकाभिरामं श्रीरामं ।
भूयो भूयो नमाम्यहम् ॥

āpadām apahartāraṃ |
dātāraṃ sarvasampadām |
lokābhirāmaṃ śrīrāmaṃ |
bhūyo bhūyo namāmyaham ||

भर्जनं भवबीजानां ।
अर्जनं सुखसम्पदाम् ।
तर्जनं यमदूतानां ।
राम रामेति गर्जनम् ॥

bharjanaṃ bhavabījānāṃ |
arjanaṃ sukhasampadām |
tarjanaṃ yamadūtānāṃ |
rāma rāmeti garjanam ||

रामो राजमणिः सदा ।
विजयते रामं रमेशं भजे ।
रामेणाभि हता निशाचरचमू ।
रामाय तस्मै नमः ।
रामान्नास्ति परायणं परतरं ।
रामस्य दासोस्म्यहम् ।
रामे चित्तलयः सदा भवतु ।
मे भो राम मामुद्धर ॥

rāmo rājamaṇiḥ sadā |
vijayate rāmaṃ rameśaṃ bhaje |
rāmeṇābhi hatā niśācaracamū |
rāmāya tasmai namaḥ |
rāmānnāsti parāyaṇaṃ parataraṃ |
rāmasya dāsosmyaham |
rāme cittalayaḥ sadā bhavatu |
me bho rāma māmuddhara ||

श्री राम राम रामेति ।
रमे रामे मनोरमे ।
सहस्र नाम तत्तुल्यं ।
रामनाम वरानने ॥

śrī rāma rāma rāmeti |
rame rāme manorame |
sahasra nāma tattulyaṃ |
rāmanāma varānane ||

॥ इति श्रीबुधकौशिक मुनि विरचितं ।
श्री रामरक्षा स्तोत्रं सम्पूर्णम् ॥

|| iti śrībudhakauśika muni viracitaṃ |
śrī rāmarakṣā stotraṃ sampūrṇam ||